Dainik Maval News : मनसे अध्यक्ष राज ठाकरे यांच्या गुढी पाडव्याच्या भाषणानंतर महाराष्ट्र नवनिर्माण सेना पक्षाचे पदाधिकारी, कार्यकर्ते आक्रमक झाल्याचे पाहायला मिळत आहे. बँकेत दैनंदिन व्यवहारासाठी मराठी भाषेचा वापर करण्यात यावा या मागणीसाठी मनसे कडून महाराष्ट्रातील विविध बँकेत जाऊन निवेदन दिली जात आहेत.
लोणावळा येथेही मनसे पदाधिकारी बँक ऑफ महाराष्ट्रमध्ये निवेदन देण्यासाठी गेले, तसेच तेथील अमराठी असलेल्या बँक मॅनेजरला मराठी बोलण्याबाबत विनंती केली. बँक मॅनेजरने मराठीत बोलता येत नाही, असे सांगितले. त्यावर मनसे सैनिक भडकले, त्यांनी शासनाचा नियम समजावून सांगितला. अधिकाऱ्यांनी मराठीत बोलायला हवे, असे मनसे पदाधिकाऱ्यांनी ठणकावून सांगितले.
दरम्यान, यावेळी बँक मॅनेजर ने तुम्ही इतके आक्रमक का होत आहात? असे म्हटले, त्यावर एका मनसे सैनिकाने आक्रमक होत कानशिलात लगावेल असे म्हटले. वाद वाढत असल्याचे पाहून तिथे असलेला एका मराठी बँक कर्मचारी मध्यस्थी करण्यासाठी आला.
त्याने, इथे येणाऱ्या ग्राहकाला कुठला त्रास होत आहे का? असे विचारले, मात्र लगेचच उपस्थित मनसे कार्यकर्त्यांनी आपला सगळा राग त्या मराठी कर्मचाऱ्यावर काढला व त्याला चोप दिला. त्याच्या कानशिलात लगावली. या घटनेचा व्हिडिओ सध्या सोशल मीडियावर व्हायरल होत आहे.
( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअॅप चॅनेलवर )
अधिक वाचा –
– साखर कारखान्याच्या माध्यमातून तालुक्याचा विकास व्हावा ; शेतकऱ्यांच्या उसाला चांगला दर मिळावा – आमदार सुनिल शेळके
– मावळ तालुक्यातील इंदुरी येथील भुईकोट किल्ल्यावर 61 फुटी भगव्या ध्वजाचे लोकार्पण । Maval News
– मोठी बातमी : श्री संत तुकाराम महाराज संस्थानच्या अध्यक्षपदी जालिंदर मोरे यांची निवड ; चुरशीची लढतीत 63 मतांनी विजयी । Dehu News
