Dainik Maval News : भागीदारीत व्यवसाय करू, असे अमिष दाखवून एका तरुणाची 48 लाख 21 हजार 500 रुपयांची फसवणूक करण्यात आली. ऋषिकेश शिवाजी हिवरकर (वय 31, रा. वराळे, ता. मावळ) असे फसवणूक झालेल्या तरूणाचे नाव असून त्याने सोमवारी (दि. 28) याबाबत दापोडी पोलीस ठाण्यात फिर्याद दिली आहे.
पोलिसांनी फिर्यादीवरून, वासुदेव उर्फ लक्ष्मण कल्याण पिसाळ आणि दैवशाला वासुदेव उर्फ लक्ष्मण पिसाळ (दोघेही रा. डुडुळगाव, ता. हवेली, जि. पुणे) यांच्या विरोधात गुन्हा दाखल केला आहे. ही घटना 18 जानेवारी 2021 ते १ एप्रिल 2024 या कालावधीमध्ये मावळ तालुक्यातील वराळे येथे घडली.
पोलिसांनी दिलेल्या माहितीनुसार, आरोपींनी आपसात संगणमत करून फिर्यादी यांना भागीदारीमध्ये गोल्डन टिंबर नावाची कंपनी तयार करून व्यवसाय करण्याचे अमिष दाखवले. या व्यवसायासाठी फिर्यादी हिवरकर यांच्याकडून 48 लाख 21 हजार 500 रुपये घेतले.
मात्र नोंदणी करताना आरोपीने केवळ स्वतःच्या नावाने कंपनीची नोंदणी केली. बँकेमध्ये स्वतःच्या नावाने खाते उघडून फिर्यादी यांनी दिलेल्या 48 लाख 21 हजार 500 रुपयांचा अपहार करत फसवणूक केली. दापोडी पोलीस याबाबत अधिक तपास करीत आहेत.
अधिक वाचा –
– 30 मे पर्यंत तळेगाव शहरातील रस्त्यांची कामे पूर्ण करा ; आढावा बैठकीत आमदार सुनील शेळके यांची सूचना । MLA Sunil Shelke
– लोणावळा शहरात उद्धव ठाकरेंच्या पक्षाला खिंडार, अनेक आजी-माजी पदाधिकारी शिंदेंच्या शिवसेनेत दाखल । Lonavala News
– मुंबई-पुणे मिसिंग लिंक : कुठलीही तडजोड न करता पुलाचे काम काळजीपूर्वक करण्याचे एकनाथ शिंदे यांचे निर्देश । Mumbai Pune Missing Link
– शिळींब गावात ग्रामदैवत श्री काळभैरवनाथ मंदिराचा जीर्णोद्धार सोहळा उत्साहात ; कीर्तन सोहळ्याला आमदार सुनील शेळके यांची उपस्थिती । Maval News
