मुंबई पुणे द्रुतगती मार्गावर अपघात झाला आहे. पुण्याहून बदलापूरकडे निघालेला मालवाहू टेम्पो (छोटा हत्ती) बोरघाटातून मेकॅनिक पॉईंट जवळ दुपारी 1.45 वाजता आला असता चालक शाहरुख कुरेशी – 28, रा. खडकी बाजार – पुणे, याचे त्यावरील नियंत्रण सुटले.
तीव्र वळणावर रस्त्यालगतचा असलेला सुरक्षा कठडा तोडून टेम्पो खोल दरीत साधारण 30 फूट कोसळला. त्या ठिकाणी असलेल्या झाडांमुळे टेम्पो अडकला त्यामुळे गंभीर हानी झाली नाही. टेम्पोमध्ये चालकासह प्रवास करणारा अबूबकर कुरेशी-32, रा. खडकी बाजार – पुणे आणि महिला वर्जेनिया फिलीप टाकार-53, रा. हिंजवाडी – पुणे हे तिघेही अडकले. ( Tempo accident on Mumbai Pune Expressway )
दैनिक मावळचा व्हॉट्सअ‍ॅप ग्रुप जॉइन करण्यासाठी इथे क्लिक करा
अपघात घडता क्षणीच महामार्गावरून प्रवास करणारे प्रवासी आणि अपघातग्रस्तांच्या मदतीसाठी सामाजिक संस्थेच्या सदस्यांनी त्यांना टेम्पो मधून बाहेर काढून ॲम्बुलन्सच्या माध्यमातून तातडीने उपचारार्थ खोपोली नगरपालिका हॉस्पिटलमध्ये हलवले. यातील जखमी महिलेला गंभीर स्वरूपाची जखम झाल्याने तिला डॉक्टर सतीश जाखोटिया यांच्या हॉस्पिटलमध्ये उपचारार्थ हलवले आहे.
बोरघाट वाहतूक पोलीस यंत्रणा, लोकमान्य आरोग्य यंत्रणेची टीम, अपघातग्रस्तांच्या मदतीसाठी सामाजिक संस्थेचे सदस्य आणि प्रवाशांनी मदत कार्यात सहभाग घेतला. खोपोली पोलीस स्टेशनच्या हद्दीत ही दुर्घटना घडलेली असल्याने सहा. पो. नि. हरीश कळसेकर हे पुढील तपास करत आहेत.
अधिक वाचा –
– मोठी बातमी! पेन येथील विद्यार्थ्यांच्या बसचा दुधिवरे खिंडीत अपघात, लोहगडवरून परतताना बस दरीत कोसळली
– जागतिक दिव्यांग दिनानिमित्त 95 लाभार्थ्यांना दिव्यांग निधीचे चेक वाटप, बाजीराव ढमालेंनी मांडल्या दिव्यांगांच्या समस्या
