मावळ तालुक्यातील वडगाव मावळ रेल्वे प्लॅटफॉर्मवर आज (शुक्रवार, दिनांक 13 जानेवारी 2023) रोजी अज्ञात तरुणाचा मृतदेह आढळल्याने एकच खळबळ उडाली आहे. सदर तरुणाचा मृत्यू हा कुठल्यातरी जुनाट रोगाने झाला असावा, असा अंदाज रेल्वे पोलिसांकडून वर्तवण्यात आला आहे. तसेच, त्याची ओळख पटवण्याचे काम सुरु आहे. ( Body Of An Unidentified Youth Was Found At Vadgaon Railway Station Maval Taluka )
दैनिक मावळचा व्हॉट्सअ‍ॅप ग्रुप जॉइन करण्यासाठी इथे क्लिक करा
पोलिसांनी दिलेल्या माहितीनुसार, शुक्रवारी सकाळी दहा वाजण्यादरम्यान वडगाव रेल्वे प्लॅटफॉर्मवर एका कट्ट्यावर अंदाजे वय 19 वर्षांचा व्यक्ती मयत स्वरुपात आढळून आला. कोणत्यातरी जुनाट आजाराने मृत्यू झाल्याची शंका पोलिसांनी व्यक्त केली आहे.
सदर मृत तरुणाचे वर्णन – उंची 5 फुट 7 इंच, अंगाने – सडपातळ, रंगाने – काळा, सावळा, नाक – सरळ, अंगात – आकाशी रंगाचा फुल बाह्याचा शर्ट आणि निळ्या रंगाची ट्रॅक पँट आहे. तरी सदर मृत तरुणाचा कोणी वारस किंवा ओळखीपैकी कुणी असल्यास पोलिस हवालदार प्रशांत जाधव यांच्याशी संपर्क करण्याचे आवाहन करण्यात आले आहे.
अधिक वाचा –
– वडगाव नगरपंचायतीवर भाजपाचे रविंद्र म्हाळस्कर यांची स्वीकृत नगरसेवक म्हणून नियुक्ती – पाहा व्हिडिओ
– प्रशासक म्हणजे काय? मावळ तालुक्यातील किती ग्रामपंचायतींवर प्रशासक? गटविकास अधिकारी सुधीर भागवत यांची मुलाखत – व्हिडिओ
– फोटो स्टुडिओवाल्याचा 22 वर्षांचा मुलगा बनला सीए – पाहा खास मुलाखत
