कामशेत जवळ जुन्या मुंबई पुणे महामार्गावर भीषण अपघात झाल्याची माहिती समोर येत आहे. कामशेतजवळील खिंडीत हा अपघात झाला. कंटेनर, दुचाकी आणि चारचाकी यांच्यात झालेल्या विचित्र अपघातात अनेकजण जखमी झाले आहेत. अपघाताची माहिती मिळताच स्थानिक कामशेत पोलिस घटनास्थळी दाखल झाले. जखमींना स्थानिकांनी आणि पोलिसांनी जवळील रुग्णालयात दाखल केले आहे.
दैनिक मावळचा व्हॉट्सअ‍ॅप ग्रुप जॉइन करण्यासाठी इथे क्लिक करा
प्राप्त माहितीनुसार, मुंबईच्या दिशेने भरधाव वेगात निघालेला कंटेनर दुभाजक तोडून खिंडीच्या जवळील टेकडीवरुन खोल खड्ड्यात कोसळला. या दरम्यान एक दुचाकी आणि चारचाकीला धडक बसली, ज्यामुळे कार आणि दुचाकीवरील प्रवासी जखमी झालेत. जखमींवर सध्या कामशेतच्या महावीर रुग्णालयात उपचार सुरु आहे. जखमींची नावे अद्याप समोर आलेली नाहीत. कामशेत पोलिस पुढील तपास करत आहेत.
अधिक वाचा –
– लोणावळा शहर आणि परिसराच्या विकासासाठी राज्य शासनाकडून अधिकचा निधी आणणार – खासदार श्रीरंग बारणे
– मावळ तालुक्यातील सांगिसे गावाजवळील जंगलात बिबट्याचा वावर – पाहा व्हिडिओ
