तळेगाव दाभाडे शहरात बेकायदा अमली पदार्थ विक्री करणाऱ्या एका आरोपीला पोलिसांनी रंगेहात अटक केली आहे. ( Man Who Brought Drugs From Rajasthan And Sold Them In Talegaon Dabhade City Arrested Red Handed By Police )
पोलिस नाईक प्रसाद मारुती कलाटे (पोलीस नाईक अंमली पदार्थ विरोधी पथक, गुन्हे शाखा, पिंपरी चिंचवड पोलीस आयुक्तालय) यांनी याप्रकरणी तळेगाव दाभाडे पोलिसांत फिर्याद दिली. त्यानुसार त्यानुसार आरोपी दिनेश रामेश्वर लाल जाट (वय 25 वर्षे, सध्या रा. विद्या सहकारी गृह रचना संस्था मर्या. प्लॉट क्र 11, दत्त मंदिराचे शेजारी, शिक्षक सोसायटी तळेगाव दाभाडे, पुणे; मुळ रा. मुळ रा. सुथारिया खेड, भदेसर भादरोसा, जि चित्तोडगड राज्य राजस्थान) याच्यावर तळेगाव दाभाडे पोलिस ठाण्यात एन.डी.पी.एस. एक्ट कलम 8 (क), 17 (ड), 29 अन्वये गुन्हा दाखल करण्यात आला आहे. तसेच आरोपीला अटक करण्यात आली आहे.
दैनिक मावळचा व्हॉट्सअ‍ॅप ग्रुप जॉइन करण्यासाठी इथे क्लिक करा
दिनांक 4 मार्च रोजी दुपारी पाऊणे दोनच्या सुमारास विद्या सहकारी गृह रचना संस्था मर्या. शिक्षक सोसायटीमधील श्री दत्त महाराज मंदिर चौकाजवळ रस्त्याचे कडेला एम.एस.इ.बी. पोलचे बाजुला (ता. मावळ जि. पुणे ) इथे ही कारवाई करण्यात आली.
पोलिसांनी दिलेल्या माहितीनुसार, फिर्यादीत नमुद दिवशी आणि वेळेला आरोपी दिनेश रामेश्वर लाल जाट याला त्याच्या ताब्यामधील एकुण 2,74,600 रुपये किंमतीचा मुद्देमाल, ज्यामध्ये 2,05,600 रुपये किंमतीचा 514 ग्रॅम वजनाचा आफिम हा अंमली पदार्थ, तसेच 14,000 रुपये किंमतीचा मोबाईल फोन आणि 55,000 रुपये किमतीची दुचाकी यासह ताब्यात घेण्यात आले. हा अमली पदार्थ बेकायदा विक्री करण्यासाठी त्याने जवळ बाळवल्याचे आढळून आले. चौकशीदरम्यान आरोपीने त्याच्याकडे मिळून आलेला आफिम हा अंमली पदार्थ त्याच्या गावाकडील ओळखीचा दिपक सुथार (संपूर्ण नाव माहिती नाही, रा. बडीसादरी जि चित्तोडगड राज्य राजस्थान) याच्याकडून आणला असल्याचे सांगितले. आरोपी सध्या अटकेत असून पोलिस उप निरिक्षक इंगळे हे या प्रकरणाचा पुढील तपास करत आहेत.
अधिक वाचा –
– पत्नीची छेड काढणाऱ्या भामट्यांना जाब विचारायला गेलेल्या पतीला बेदम मारहाण, देहूरोड पोलिसांत गुन्हा दाखल, 3 आरोपी अटकेत
– तळेगाव दाभाडेत ‘अरावल्ली टेरेन व्हेईकल चॅम्पियनशिप 2023’ स्पर्धेचे आयोजन, देशभरातील विद्यार्थी सहभागी । ATVC 2023
– वडगावमध्ये पारंपारिक दगडी गोटे उचलण्याची स्पर्धा, बैठकांचा विक्रम करणाऱ्या खेळाडूला मिळणार चांदीची गदा
