भारतीय जनता पार्टी तळेगाव दाभाडे शहर यांच्या वतीने नागरिकांच्या मागणीनुसार रेल्वेच्या विविध समस्या आणि प्रश्नांबाबत विभागीय रेल्वे व्यवस्थापक (DRM) इंदूरानी दुबे यांना निवेदन देण्यात आले.
यावेळी तळेगाव भाजपा शहराध्यक्ष रविंद्र बाळासाहेब माने, नगरसेविका शोभा भेगडे, सरचिटणीस शोभा परदेशी, उपाध्यक्ष हिम्मतभाई पुरोहित, ओबीसी मोर्चा अध्यक्ष नितीन पोटे, सोशल मीडिया अध्यक्ष उपेंद्र खोल्लम, व्यापारी आघाडी कार्याध्यक्ष सागर शर्मा, ओबीसी मोर्चा प्रसिद्धी प्रमुख अमित भागिवंत हे उपस्थित होते. ( talegaon bjp letter to DRM indurani dube regarding various railway issues )
दैनिक मावळचा व्हॉट्सअॅप ग्रुप जॉइन करण्यासाठी इथे क्लिक करा
निवेदनामध्ये केलेल्या मागण्या आणि त्यावर मिळालेले उत्तर…
पुण्याप्रमाणेच तळेगाव दाभाडे शहर हे पेन्शनरांचे आणि सेकंड होम घेऊ इच्छिणाऱ्यांचे पसंतीचे शहर आहे. या ठिकाणी अनेक ज्येष्ठ नागरिक तसेच काहीना काही शारीरिक आजार व व्यंग असलेल्या लोकांसाठी तळेगाव दाभाडेे स्टेशन आणि घोरावाडी स्टेशनला सरकते जिने (Escalator) बसवण्यात यावेत, या मागणीवर तळेगाव दाभाडे स्टेशन येथे सरकते जिने बसवण्याचे मान्य केले.
तळेगाव दाभाडे हे एक महत्वाचे शहर आहे. याठिकाणी एम.आय.डी.सी. (MIDC) असल्याने अनेक प्रवासी या स्टेशन वरून ये जा करत असतात. चाकण-खेड भागातील प्रवासी सुध्दा येथुन प्रवास करत असतात. यासाठी मुंबई पुणे सिंहगड एक्सप्रेस याचा तळेगाव दाभाडे स्टेशन इथे थांबवावी, या मागणीवर सर्व बाबींचा विचार करून थांबा देण्याचे आश्वासन दिले. तसेच पुणे जोधपूर एक्सप्रेस रोज सुरू करावी यावर वरिष्ठ पातळीवर प्रस्ताव पाठवू असे सांगितले.
मुंबई पुणे कोल्हापुर सह्याद्री एक्प्रेस ही गाडी सर्वांच्या सोयीची आणि कायम गर्दी असणारी गाडी आहे. या गाडीने जास्त करून पास होल्डर प्रवास करत असतात. कोरोना काळामध्ये ही गाडी बंद केल्यापासून अनेकांंची गैरसोय होत आहे. ही गाडी पुन्हा चालु करावी. यावर कोल्हापूर – पुणे सहयाद्री एक्स्प्रेस चालू करणार आहोत. आणि छत्रपती शिवाजी महाराज टर्मिनसच्या व्यापक विकासाचे काम चालू होणार आहे. त्यामुळे त्यावरील लोड कमी व्हावा यासाठी सध्या पुण्यापर्यंत सुरु होईल असे सांगितले.
कोरोना काळात लोणावळा-पुणे दरम्यानच्या लोकल बंद केल्याने प्रवाशांची गैरसोय होत आहे. बस आणि गाडी सारखा महागडा पर्याय लोकांना वापरावा लागत आहे. तरी या सर्व लोकल गाड्या पुर्ववत चालु कराव्यात. यामध्ये विशेषतः दुपारी पुण्याला जायला आणि पुण्याहून यायला लोकल नसल्यामुळे चाकरमानी व विद्यार्थी-विद्यार्थिनींना प्रचंड त्रास सहन करावा लागतो.
लोणावळा पुणे लोणावळा लोकल प्रवाशांंची संख्या पाहता या दरम्यानच्या सर्व लोकल पूर्ववत करून लोकलच्या फेऱ्या वाढवाव्यात. यावर या मार्गावरील ट्रॅक खूप जुने असल्यामुळे सातत्याने ट्रॅकचा मेंटेनन्स करणे गरजेचे आहे. प्रवाशांची सुरक्षा ही आमची प्राथमिकता आहे त्यामुळे या मार्गावर किमान 3 तास मेंटेनन्स साठी आवश्यक आहेत. त्यामुळे सध्यातरी लोकल चालू करणे शक्य नाही असे स्पष्ट केले.
प्रत्येक लांब पल्ल्याच्या गाडीच्या आधी कनेक्टींग लोकल असावी जेणेकरून मधल्या स्टेशन वरील प्रवाशांंना लांब पल्ल्याची गाडी पकडणे सोयीचे होईल. महिला डब्यात पोलीस कर्मचारी तैनात करावेत आणि घोरावाडी रेल्वे स्टेशन येथे RPF केन्द्र सुरू करावे. या दोन्हींवर सकारात्मक पाऊले उचलली जातील हे सांगितले.
अधिक वाचा –
– जवणच्या घाटात ब्रेक फेल लालपरीचा थरार! बस चालकाच्या प्रसंगावधानामुळे वाचला प्रवाशांचा जीव
– ‘जीवात जीव तोवर राष्ट्रवादीतच…कुणाच्याही सह्या घेतलेल्या नाहीत…माझ्याविषयी होत असलेल्या चर्चांमध्ये तथ्य नाही’ – अजित पवार
