लोणावळा ग्रामीण पोलिसांनी पर्यटनांच्या अनुषंगाने पारित केलेल्या नियमावली आदेशांचे उल्लंघन करणाऱ्या तसेच प्रतिबंधीत हुक्का, हुक्का फ्लेवर तंबाखुजन्य पदार्थाची विक्री करणाऱ्या दोघांवर धडक कारवाई केली आहे. याप्रकरणी लोणावळा ग्रामीण पोलीस स्टेशन मध्ये भारतीय न्याय संहीता 2023 चे कलम 223 व सिगारेट व इतर तंबाखुजन्य उत्पादने (जाहीरातीस प्रतिबंध आणि व्यापार, वाणीज्य व उत्पादन पुरवठा आणि वितरण विनिमय) अधिनियम 2003 वे सुधारीत अधिनियम 2018 चे कलम 4 (अ) 21 (अ) प्रमाणे गुन्हा दाखल करण्यात आला आहे. ( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअ‍ॅप चॅनेलवर )
पुणे ग्रामीणचे पोलीस अधीक्षक पंकज देशमुख यांनी ग्रामीण भागातील अवैध धंद्यांवर कारवाई करण्याचे आदेश दिले आहेत. त्यानुसार लोणावळा ग्रामीण पोलीस ठाण्याच्या कार्यक्षेत्रात चोरून अवैध व्यवसाय करणाऱ्यांवर लोणावळा ग्रामीण पोलीसांनी वरीष्ठांच्या मार्गदर्शनाखाली, सहाय्यक पोलिस अधीक्षक सत्यसाई कार्तिक यांच्या मार्गदर्शनाखाली कारवाई केली आली. ( Action taken against sellers of banned hookah flavored tobacco products at Tiger Point in Lonavala )
प्राप्त माहितीच्या आधारे ग्रामीण पोलिसांनी टायगर पॉईट येथे छापा टाकला, तेव्हा मंगेश स्नॅक्स सेटर या दुकानामध्ये मंगेश नंदु कराळे (वय 25 वर्षे रा. खंडाळा ता. मावळ जि. पुणे) व राकेश गणपत वारे (वय 25 वर्षे रा. खोपोली. ता. खालापुर जि. रायगड) हे सार्वजनिकरित्या मानवी जिवितास धोका निर्माण होणारे व शासनाने बंदी घातलेला हुक्का बाळगून आणि विकत असल्याचे आढळून आले.
याप्रकरणी वनरक्षक वेदीका रामराव शिर्षे (वय 32, रा. वडगांव मावळ) यांनी फिर्याद दिली आहे. पोलिस निरिक्षक किशोर धुमाळ, पोलिस हवालदार जय पवार आणि पोलिस शिपाई सिद्धेश शिंदे यांनी ही कारवाई केली आणि छापा टाकून सर्व मुद्देमाल ताब्यात घेतला. याप्रकरणी पुढील तपास लोणावळा उप विभागीय पोलीस अधिकारी सत्यसाई कार्तीक आणि पोलिस निरिक्ष किशोर धुमाळ यांच्या मार्गदर्शनाखाली पोलीस हवालदार विजय गाले हे करत आहे.
अधिक वाचा –
– तळेगावकरांचे गाऱ्हाणे ऐकले ! बेजबाबदार मुख्याधिकारी एन के पाटील अखेर निलंबित, ड्रंक अँड ड्राईव्ह प्रकरण भोवले । Talegaon Dabhade News
– खुशखबर ! पवना धरण परिसरात पावसाचा जोर वाढला, पवना धरणातील जलसाठ्यात 4 टक्क्यांची वाढ । Pavana Dam Updates
– मोठी बातमी ! पावसाचा जोर वाढला, पुणे जिल्ह्यातील सर्व शाळांना मंगळवारी सुट्टी जाहीर । Pune News
