Dainik Maval News : पुणे जिल्हा परिषद माध्यमिक विभाग आणि पुणे जिल्हा माध्यमिक व उच्च माध्यमिक शाळा मुख्याध्यापक संघ यांच्या संयुक्त विद्यमाने पुणे, पिंपरी-चिंचवड व जिल्ह्यातील 1500 पेक्षा जास्त शाळांसाठी गुणवत्ता संवर्धन अभियान राबविण्यात आले होते. यात मावळ तालुक्यामध्ये विविध गटांमध्ये प्रथम क्रमांक मिळविलेल्या शाळांची तीनशे गुणांची जिल्हास्तरीय सखोल पुनर्तपासणी करण्यात आली. त्यामध्ये अॅड. पु. वा. परांजपे विद्या मंदिर शाळेने बाजी मारली आहे,
शिक्षणाधिकारी डॉ. भाऊसाहेब कारेकर व मुख्याध्यापक संघाचे अध्यक्ष नंदकुमार सागर यांनी नुकताच जिल्हास्तरीय निकाल जाहीर केला. यामध्ये नूतन महाराष्ट्र विद्या प्रसारक मंडळ तळेगाव दाभाडे संचलित अॅड. पु. वा. परांजपे विद्या मंदिर शाळेने ५०० ते १०० विद्यार्थी संख्येच्या शाळांमध्ये जिल्हा पातळीवर द्वितीय क्रमांक पटकाविला आहे. विजेत्या शाळांचा गौरव समारंभ पुणे येथे दिनांक २४ एप्रिल रोजी मान्यवरांच्या हस्ते संपन्न होणार आहे.
शाळेच्या यशाबद्दल संस्थेचे माजी अध्यक्ष, शिक्षण महर्षी कृष्णराव भेगडे, अध्यक्ष संजय भेगडे, उपाध्यक्ष गणेश खांडगे, सचिव संतोष खांडगे, सहसचिव व शालेय समिती अध्यक्ष नंदकुमार शेलार, खजिनदार राजेश म्हस्के व सर्व संचालक मंडळ यांनी शाळेचे मुख्याध्यापक पांडुरंग पोटे, शिक्षकवृंद, विद्यार्थी यांचे अभिनंदन व कौतुक केले आहे.
( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअ‍ॅप चॅनेलवर )
अधिक वाचा –
– 25 पेक्षा जास्त वाहन मालकांची मागणी आल्यास जागेवरच फिटमेंट शुल्काशिवाय ‘एचएसआरपी’ बसवून मिळणार
– राज ठाकरेंनी भाकरी फिरवली ; मावळ तालुका मनसेत मोठे फेरबदल, तालुकाध्यक्षपदी अशोक कुटे यांची निवड । Maval News
– स्वबळावर लढण्याची तयारी हवी ; कामशेत येथील मेळाव्यात रामदास आठवले यांचे कार्यकर्त्यांना मार्गदर्शन । Kamshet News
– वन्यजीव रक्षकांच्या प्रयत्नांना यश, कासवांच्या पिल्लांनी पाहिले जग । Maval News
