Dainik Maval News : देहू नगर पंचायतीच्या दोन नामनिर्देशित सदस्य जागांपैकी एका जागेवर अमित टिळेकर यांची नियुक्ती झाली आहे. मंगळवारी (दि.२५) नगरपंचायत कार्यालयात ही निवड प्रक्रिया पार पडली. निवडणूक पिठासीन अधिकारी म्हणून यशवंत माने यांनी काम पाहिले. यावेळी नगरपंचायतीच्या मुख्याधिकारी निवेदिता घार्गे, नगराध्यक्ष, उपनगराध्यक्ष, नगरसेवक-नगरसेविका उपस्थित होते.
- नगरपंचायत कार्यालयामध्ये सकाळी दहा वाजता निवडणूक प्रक्रियेला सुरुवात झाली. यावेळी अमित टिळेकर आणि योगेश मोरे या दोघांचे अर्ज सादर झाले होते. पिठासीन अधिकारी यांनी दोन्ही अर्जाची छाननी केली असता सार्वजनिक न्यासचे पाच वर्षांचा अनुभवाचा कार्यकाल पूर्ण नसल्याने मोरे यांचा अर्ज अवैध ठरला. त्यामुळे एकमेव वैध अर्ज असलेले टिळेकर यांची नामनिर्देशित सदस्य पदी निवड पीठासीन अधिकारी माने यांनी घोषित केली.
एक अर्ज अवैध ठरल्याने दोन नामनिर्देशन सदस्य पदातील एक पद रिक्त आहे. दरम्यान, नामनिर्देशन सदस्यासाठी इच्छुक असणाऱ्या आणखीन दोघा इच्छुक उमेदवारांचे अर्ज सादर न झाल्याने इच्छुक उमेदवार व त्यांचे चाहते संतप्त झाले होते. त्यामुळे नगरपंचायत परिसरामध्ये काहीवेळ तणावाचे वातावरण तयार झाल्याने पोलिसांना पाचरण करावे लागले होते.
( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअ‍ॅप चॅनेलवर )
अधिक वाचा –
– ‘पुणे रिंगरोड’च्या दिशेने पहिले पाऊल ! जमीन मोजणीला प्रारंभ ; जमीनमालकांकडून जिल्हा प्रशासनाला संमतीपत्र । Pune Ring Road
– मुंबईला जाण्यासाठी नवा मार्ग विकसित होणार? 135 किलोमीटरचा रस्ता, लोणावळ्याला जायची गरज नाही
– मुंबई-पुणे द्रुतगतीमार्गावरील वाहतूक कोंडी दूर होणार, मिसिंग लिंक प्रोजेक्ट ठरणार गेमचेंजर ! missing link mumbai pune
– मध्य रेल्वेचा ऐतिहासिक निर्णय ! महाराष्ट्रात तयार होणार 3 रेल्वे मार्ग, मुंबई-पुणे रेल्वे प्रवास होणार अधिक वेगवान
