Dainik Maval News : कामशेत पोलीस स्टेशन यांच्याकडे असलेली वाहने सोडवून नेण्याचे आवाहन वाहन मालकांना करण्यात आले आहे. विविध गुन्ह्यांमध्ये जप्त केलेली, अपघातातील व बेवारस वाहने पोलीस स्टेशन आवारात पडून आहेत, ती वाहने संबंधित वाहन मालकांनी कागदपत्रांची पूर्तता करून घेऊन जाण्याचे आवाहन पोलिसांकडून करण्यात आले आहे.
कामशेत पोलीस ठाण्याकडे वाहने ठेवण्यासाठी स्वतंत्र जागा नाही. जप्त केलेली तसेच बेवारस वाहनांची संख्या मोठ्या प्रमाणात आहेत. ही वाहने सध्या रस्त्यालगत उघड्यावर लावण्यात आली असून सदर वाहने ऊन-वारा पावसात खराब होण्याची शक्यता आहे. त्यामुळे संबंधित वाहनांच्या मालकांनी आपल्या वाहनाची आरसी बूक व आधार कार्ड घेऊन पोलीस ठाण्यात संपर्क करावा व कागदपत्रांची पूर्तता करून आपले वाहन घेऊन जावे, असे आवाहन पोलीस ठाण्याकडून करण्यात आले आहे.
- पोलिसांनी आवाहन केल्याच्या व प्रेसनोट प्रसिद्ध केल्याच्या सात दिवसांत आपले वाहन सोडवून न्यावे अन्यथा वाहन मालक वाहनाचा ताबा घेण्यास इच्छूक नसल्याचे समजून पुढील कायदेशीर प्रक्रिया पार पाडून वाहनांचे निर्लेखन प्रक्रिया केली जाणार असल्याचे सांगण्यात आले आहे.
कामशेत पोलीस ठाण्याकडे असलेली बेवारस वाहने :
दुचाकी वाहने – 31
चारचाकी वाहने – 8
( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअॅप चॅनेलवर )
अधिक वाचा –
– महत्वाची बातमी : पुणे – लोणावळा रेल्वे मार्गावर 3 दिवसांचा ब्लॉक, लोकलसह एक्स्प्रेस गाड्यांच्या वेळापत्रकात बदल । mega block on central railway
– आयपीएस सत्यसाई कार्तिक यांच्या बदलीच्या एक महिन्यानंतरही उपविभागीय पोलीस अधिकाऱ्याची खूर्ची रिकामीच । Lonavala News
– पर्यटनासाठी येताय? मग 9850112400 हा नंबर सेव्ह करून ठेवा ; लोणावळा पोलिसांकडून पर्यटकांसाठी हेल्पलाइन नंबर सुरू । Lonavala Tourist Helpline Number
