वराळे गावाचे वेगाने शहरीकरण होत आहे. त्या दृष्टीने येथील नागरिकांना आवश्यक अनेक सुखसुविधा आणि सार्वजनिक विकास कामे आमदार सुनिल शेळके यांच्या विचाराधीन आहेत. तसेच, इथे असणाऱ्या काही हाऊसिंग सोसायट्यांमधील रहिवाशांच्या काही तक्रारी होत्या. या तक्रारी जाणून घेत त्या मार्गी लावण्याच्या सुचना आमदार सुनिल शेळके यांनी पीएमआरडीएच्या अधिकाऱ्यांना केल्या होत्या. त्यानुसार PMRDA च्या अधिकाऱ्यांनी प्रत्यक्ष वराळे गावात जाऊन पाहणी केली. नागरिकांशी संवाद साधला आणि त्यांच्या समस्या जाणून घेतल्या. ( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअ‍ॅप चॅनेलवर )
बांधकाम व्यावसायिक हेतूपरस्प चुकीची कामे करुन नफा प्राप्त करतात आणि पळ काढतात. त्यानंतर मात्र निर्माण होणाऱ्या सर्व समस्यांना स्थानिक रहिवाशांना तोंड द्यावे लागते. ह्या परिसरात सध्या मोठ्या प्रमाणात नागरिकरण आणि शहरीकरण होत आहे. अशात इथे आवश्यक असणारे सार्वजनिक उपक्रम अथवा विकासकामे ग्रामपंचायत मार्फत राबवले जात नाहीत, त्यामुळे नागरिकांना त्रास सहन करावा लागत असल्याच्या तक्रारी रहिवाश्यांनी केल्या आहेत.
- पक्के अंतर्गत रस्ते, बंदिस्त गटार लाईन, स्ट्रीट लाईटची सोय, नाना-नानी पार्क, ओपन जीम, जॅगिंग ट्रॅक, मुलांसाठी क्रीडांगण अथवा मैदान अशा सुविधांची मागणी नागरिकांनी केलीये. तळेगाव शहरालगत असलेले निमशहरी गाव म्हणून वराळे गावाची ओळख आहे. अशात याठिकाणी वरील सुखसुविधा व्हाव्यात यासाठी आमदार सुनिल शेळके यांनी येत्या काही दिवसांत गावातील लोकप्रतिनिधी आणि संबंधित विभागाच्या अधिकाऱ्यांची बैठक नियोजित करावी, अशी मागणी स्थानिकांनी केली आहे.
मा. ग्रामपंचायत सदस्य कल्पेश मराठे, ग्रामपंचायत सदस्य रामभाऊ मराठे, विकास मराठे, निलेश मराठे, Adv. वैभव हिंगणे, उद्योजक अमोल मराठे, किरण भोसले, संग्राम मराठे आदी यावेळी उपस्थित होते. ( As per MLA Sunil Shelke Instruction PMRDA Officer visited Varale village Talegaon Maval )
अधिक वाचा –
– पवना विद्या मंदिरचे वार्षिक स्नेहसंमेलन आणि पारितोषिक वितरण उत्साहात संपन्न; ‘विद्यार्थ्यांनी संशोधनात्मक वृत्ती बाळगावी’ – संतोष खांडगे
– मनोज जरांगे पाटलांची मोठी घोषणा! 20 जानेवारीला मुंबईत आमरण उपोषण करणार, अंतरवाली सराटीपासून पायी चालत जाणार
– इनरव्हील क्लब ऑफ तळेगाव दाभाडे यांच्याकडून तृतीयपंथीयांसाठी आरोग्य तपासणी शिबिर आणि चर्चासत्र
