Dainik Maval News : जगद्‌गुरू संत तुकाराम महाराज यांचा 340 वा आषाढी पायी वारी पालखी सोहळा श्रीक्षेत्र देहू येथून बुधवारी (दि. 18 जून) श्री क्षेत्र पंढरपूरच्या दिशेने प्रस्थान ठेवणार आहे. हा सोहळा आता अवघ्या तीन दिवसांवर येऊन ठेपला आहे. देशभरातून लाखो वारकरी भाविक पालखीसह पंढरपूरला जाण्यासाठी श्रीक्षेत्र देहू आळंदी येथे येत आहेत. मागील काही वर्षांमध्ये वारीत सहभागी होणाऱ्यांची संख्या वाढली आहे, यासह काही समस्या उद्भवत आहे. या पार्श्वभूमीवर वारकरी आणि भाविकांसाठी देहू संस्थानने प्रथमच आचार धर्म (नियमावली) प्रसिद्ध केला आहे.
संत तुकाराम महाराजांचे तृतीय चिरंजीव संत नारायण महाराज यांनी १६८५ साली आषाढी वारी पालखी सोहळा सुरू केला. शतकोनशतके स्वयंशिस्तीत सुरू असलेल्या ह्या सोहळ्याकडे पाहून जगभरातील नागरिक भारावून जातात. पूर्णपणे शिस्तीने चालणारा आषाढी वारी पायी पालखी सोहळा यंदाही अनुचित प्रकार न घडता, निर्विघ्नपणे पार पाडावा. हा सोहळा अधिक शिस्तप्रिय होण्यासाठी आणि नवीन सहभागी भाविकांना सोहळ्याचे नियम माहिती व्हावेत, यासाठी संस्थानने यंदा आचार धर्म (नियमावली) प्रसिद्ध केला आहे.
असा आहे आचारधर्म :
1. दिंडीतील सर्व पताका (वारकरी ध्वज) सुती कापड असलेल्या व काव रंगाचा वापर केलेल्या असाव्यात.
2. पताकाधारी यांच्या मागे टाळकरी, मृदंग वादक, विणेकरी, नंतर तुळशीवाली आणि महिला वारकरी असा क्रम असावा.
3. दिंडीतील वारकऱ्यांनी पांढरे शुभ्र धोतर, शर्ट, टोपी अथवा पायजमा परिधान करावा.
4. विणेकऱ्याने धोतर, फेटा परिधान करणे आवश्यक आहे.
5. दिंडीतील भजन हे वारकरी संप्रदायाच्या देहूकर फडाप्रमाणे असावे, भजन गौळण-हरिपाठ हे सांप्रदायिक चालीप्रमाणे असावे. (काकडा सकाळी लवकर व्हावा)
6. दिंडीत सहभागी होऊन कोणतेही व्यसन करू नये. दिंडीत चालताना सोहळा सोडून मागे-पुढे चालू नये.
7. रिंगणात दिंडीतील सर्व पताकावाले, टाळकरी, विणेकरी, तुळशी वाली, हांडेवाली, पखवाज सहभागी व्हावे.
( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअ‍ॅप चॅनेलवर )
अधिक वाचा –
– पुणे जिल्हा परिषदेच्या ‘पुणे मॉडेल स्कूल’ उपक्रमाचा १४ जून रोजी शुभारंभ ; मावळ तालुक्यातील 24 शाळांचा समावेश
– केंद्र सरकारने पोल्ट्री व्यवसायासाठी बनविलेली नियमावली महाराष्ट्रात तातडीने लागू करा ; मावळ पोल्ट्री संघटनेचे निवेदन
– देहूरोड खून प्रकरणातील आरोपीला 24 तासात अटक ; पोलिसांनी गुजरातच्या वडोदरातून घेतले ताब्यात । Maval Crime
– विकसित कृषी संकल्प अभियान : मावळ तालुक्यातील शेतकऱ्यांना मिळाले तज्ज्ञांचे मार्गदर्शन । Maval News
