Dainik Maval News : महाराष्ट्र राज्य पोल्ट्री योद्धा संघटनेच्या पदाधिकाऱ्यांनी गुरुवारी पशुसंवर्धन आयुक्त प्रवीणकुमार देवरे यांची त्यांच्या कार्यालयात भेट घेतली. या भेटीत पोल्ट्री व्यावसायिकांना भेडसावणाऱ्या विविध समस्यांवर चर्चा करण्यात आली.
यावेळी संघटनेने आयुक्तांसमोर प्रमुख मागण्या मांडल्या. यामध्ये भारत सरकारने लागू केलेली पोल्ट्री व्यवसायासाठीची नियमावली राज्यात तातडीने अंमलात आणावी, पोल्ट्री उद्योगाला शेतीप्रमाणे सवलतीच्या दरात वीज उपलब्ध करून द्यावी, ग्रामपंचायतींकडून पोल्ट्री शेडवर आकारली जाणारी घरपट्टी रद्द करण्यात यावी, तसेच पोल्ट्री कंपनीकडून पुरवण्यात येणाऱ्या खाद्यांच्या पिशवीवर अन्नघटक लिहिण्याची सक्ती करण्यात यावी, या मागण्यांचा समावेश होता.
संघटनेच्या पदाधिकाऱ्यांनी गेल्या अनेक दिवसांपासून प्रलंबित असलेल्या त्यांच्या मागण्यांकडे शासनाचे लक्ष वेधले. शासनाच्या उदासीन धोरणावर नाराजी व्यक्त करीत, ‘शासन निर्णयांची अद्याप अंमलबजावणी न झाल्याने पोल्ट्री व्यवसाय अडचणीत आला आहे आणि शेतकऱ्यांचे नुकसान होत आहे,’ असे सांगितले.
संघटनेच्या शिष्टमंडळाने याबाबत आयुक्तांना एक निवेदन दिले. या शिष्टमंडळात संघटनेचे अध्यक्ष अनिल खामकर, सचिव विलास साळवी, कार्याध्यक्ष शरद गोडांबे, संघटक सोनबा गोपाळे आणि मावळ तालुका अध्यक्ष एकनाथ गाडे यांचा समावेश होता.
( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअॅप चॅनेलवर )
अधिक वाचा –
– अहमदाबाद विमान दुर्घटना : विमानातील एक प्रवासी बचावला, उर्वरित सर्वांचा मृत्यू झाल्याची भीती, मृतांमध्ये माजी मुख्यमंत्र्यांचा समावेश
– एकीवर दोघांचे प्रेम आणि सोळा वर्षीय मुलाची हत्या… देहूरोड हादरलं ! भेटायला बोलावलं आणि चाकूने भोकसलं । Dehu Road Crime
– आमदार सुनील शेळके यांच्या आदेशानंतर देहू नगरपंचायत प्रशासनाची तातडीने कारवाई ; रस्त्यांवरील अतिक्रमणे हटविली । Dehu News
