मुळशी तालुक्यातील (जि. पुणे) एक प्रमुख ग्रामपंचायत असलेल्या डावजे-कातवडी ग्रामपंचायतीच्या उपसरपंच पदी बंडू रामभाऊ जंगम यांची बिनविरोध निवड झाली आहे. गुरुवार (दि. 23 नोव्हेंबर) रोजी उपसरपंच पदाच्या निवडीसाठी घेण्यात आलेल्या विशेष सभेत जंगम यांची उपसरपंच पदी निवड झाली. उपसरपंचपदी निवड झाल्यानंतर बंडू जंगम यांचा खास सत्कार करण्यात आला. यावेळी बोलताना, ‘गावातील सर्वांना सोबत घेऊन गावचा विकास करून दाखवू’ असा विश्वास जंगम यांनी व्यक्त केला. ( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअ‍ॅप चॅनेलवर )
नुकत्याच झालेल्या ग्रामपंचायत निवडणूकीत डावजे-कातवडी ग्रामपंचायतीच्या सरपंच पदी सविता शिंदे निवडूण आल्या होत्या. त्यामुळे उपसरपंचपदासाठी गुरुवारी विशेष बैठक बोलावण्यात आली. यावेळी नायब तहसीलदार कदम साहेब, ग्रामसेवक रामेश्वर मदने उपस्थित होते. विहित वेळेत बंडू जंगम यांचा उपसरपंचपदासाठी एकमेव अर्ज आला. त्यामुळे त्यांची बिनविरोध निवड झाल्याचे जाहीर करण्यात आले. यावेळी ग्रामपंचायत सदस्य लीलाबाई बूजवे, अपर्णा मानकर, कोमल मानकर, पप्पू पाकिरे, बाळासाहेब कडू, मधू कदम उपस्थित होते. ( Bandu Jangam Elected Deputy Sarpanch Of Davje Katwadi Gram Panchayat Mulshi Taluka )
जंगम यांच्या निवडीनंतर त्यांच्या समर्थकांनी एकच जल्लोष केला. बंडू रामभाऊ जंगम हे गावच्या सर्वच कार्यक्रमांत हिरिरिने सहभाग घेत असतात. सर्वसामांन्यांच्या मदतीला धावणारा कार्यकर्ता असा त्यांचा लौकिक आहे. मागील पंचवार्षिक निवडणूकीत थोड्याच मतांनी त्यांचा पराभव झाला होता. परंतू, यावेळी त्यांची दणदणीत विजय मिळवत उपसरपंच पदाची माळही त्यांच्या गळ्यात पडली. यावेळी तंटामुक्ती अध्यक्ष अजय पासलकर, पोलीस पाटील मोनाली मानकर, ग्रामस्थ शिवाजी मानकर, सुरेश मानकर, प्रल्हाद मानकर, दत्ता पाकिरे, रामदास मानकर,जितेंद्र बुजवे, उमेश शिंदे, संकेत चोरघे, सूरज मानकर, सागर बुजवे, संदीप कोकाटे आदी उपस्थित होते.
अधिक वाचा –
– कोयत्याचा धाक दाखवून बांधकाम साईटवरील लोखंडी सळया लंपास, तळेगावातील धक्कादायक घटना!
– पक्के ड्रायव्हिंग लायसन्स पाहिजे? आरटीओकडून डिसेंबर 2023 दौऱ्याचे वेळापत्रक जाहीर, लगेच पाहा तारखा
– राष्ट्रपती द्रौपती मुर्मू लोणावळ्यात येणार! पोलिसांचा चोख बंदोबस्त, वाहतूकीबाबत नागरिकांना महत्वाच्या सुचना, लगेच वाचा…
