राष्ट्रवादी काँग्रेस पक्षाचे ( NCP ) मावळ तालुक्यातील ( Maval Taluka ) प्रमुख नेते, तथा अजित पवार ( Ajit Pawar ) यांचे समर्थक बापूसाहेब भेगडे ( Bapu Bhegade ) यांच्यावर अजितदादांनी नवीन जबाबदारी दिली आहे. बापू भेगडे यांना संघटनात्मक पातळीवर थेट राज्यस्तरीय जबाबदारी देण्यात आली आहे. त्यामुळे बापूसाहेब भेगडे यांच्या समर्थकांमध्ये उत्साहाचे वातावरण आहे. राष्ट्रवादी काँग्रेस पक्षाचे (अजित पवार गट) प्रदेशाध्यक्ष सुनिल तटकरे यांनी बापूसाहेब जयवंतराव भेगडे यांची प्रदेश उपाध्यक्ष पदी निवड जाहीर केली आहे. ( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअॅप चॅनेलवर )
बापूसाहेब भेगडे यांना मानणारा मोठा वर्ग मावळ तालुक्यात आहे. तळेगाव दाभाडे नगरपरिषदेचे नगरसेवक, उपनगराध्यक्ष ते संत तुकाराम सहकारी साखर कारखान्याचे उपाध्यक्ष आणि आता राष्ट्रवादीचे प्रदेश उपाध्यक्ष अशी त्यांची राजकीय चढती कमान आहे. सुनिल शेळके ( Sunil Shelke ) हे भाजपा सोडून राष्ट्रवादीत आले आणि आमदार झाले, यात बापूसाहेब भेगडे यांचे महत्वाचे योगदान होते. राजकीय क्षेत्रासह बापू भेगडे हे विविध सामाजिक संस्थांशी निगडित आहेत. त्यांची राष्ट्रवादी काँग्रेस पक्षात प्रदेश उपाध्यक्ष पदी निवड झाल्यानंतर त्यांच्यावर अभिनंदनाचा वर्षाव होतो आहे.
प्रदेशाध्यक्ष खा. सुनिल तटकरे यांनी मंगळवार, दिनांक 16 जानेवारी रोजी बापू भेगडे यांची प्रदेश उपाध्यक्षपदी निवड जाहीर केली. यावेळी त्यांच्यावर पक्षाच्या वाढीसाठी आणि पक्षाची ध्येय धोरणे सर्वसामान्यांपर्यंत पोहोचवण्यासाठी सर्वोतोपरी योगदान देण्याची, जबाबदारी दिली आहे. ( Bapu Bhegde From Maval Appointed Vice President Of NCP Maharashtra Pradesh By Sunil Tatkare Ajit Pawar )
अधिक वाचा –
– इतिहासातील सोनेरी पान : वडगावचा ऐतिहासिक तह : ‘पानिपतावरील पराभवाचा वचपा मराठ्यांनी मावळभूमीवर काढला’
– दुर्गम भागातील विद्यार्थी गिरवणार संगणकाचे धडे; कशाळमधील जिल्हा परिषद शाळेला संगणक संच भेट । Maval Gramin
– महत्वाचे! मावळ तालुक्यातील 20 पेक्षा अधिक सदनिका असलेल्या प्रत्येक गृहप्रकल्पांचे ऑडिट होणार । Maval News