Dainik Maval News : मावळ विधानसभा मतदारसंघाचे अपक्ष उमेदवार बापूसाहेब भेगडे यांनी प्रचारांमध्ये चांगलीच आघाडी घेतली आहे. अनेक गावांत मतदार त्यांना आमदार म्हणून निवडून देण्याचा विश्वास व्यक्त करीत आहेत. सध्या सुरू असलेल्या गावभेटीमध्ये तरुण कार्यकर्ते, जेष्ठ नागरिक व महिलांचा भेगडे यांना मोठा प्रतिसाद मिळत असल्याने बापूसाहेब भेगडे यांचे पारडे दिवसेंदिवस अधिक जड होत चालले आहे.
कुसगाव, पाचाने, पुसाने, दिवड, ओवळे, राजवाडी, ढोणे, आढळे, उर्से, आंबेवाडी, आढे, ओझर्डे, सडवली, बऊर, बऊरवाडी, बेडसे, करंज, कडधे, येळसे, पवनानगर, आदी गावांमधील नागरिकांच्या गाठीभेटी घेत असताना महिला भगिनींनी औक्षण करत भेगडे यांना ‘विजयाचा तिलक’ लावला. युवा कार्यकर्त्यांनी खंबीरपणे पाठीशी उभे राहत बापूसाहेब भेगडे यांना विजयाचा विश्वास दिला. गावागावातील विविध मंदिरांमध्ये देवतांचे दर्शन घेत भेगडे यांनी आशीर्वाद देखील घेतले.
कार्यकर्तेही दिवसरात्र भेगडे यांच्या प्रचारासाठी मतदारसंघ पिंजून काढताना दिसत आहे. घरोघरी जाऊन मतदारांशी संवाद साधताना २० नोव्हेंबर रोजी होणाऱ्या मतदानादिवशी जास्तीत जास्त नागरिकांनी घराबाहेर पडून बापूसाहेब भेगडे यांनाच मतदान करावे, असे आवाहन करीत आहेत. यावेळी ग्रामस्थांना मार्गदर्शन करताना भाजपा किसान मोर्चाचे अध्यक्ष गणेश भेगडे म्हणाले, की संत तुकाराम सहकारी साखर कारखान्याच्या माध्यमातून बापूसाहेब भेगडे यांनी अनेक लोकोपयोगी कामे केलेली आहेत. बापूसाहेब भेगडे हे संतांच्या विचारांवर ठाम असणारे उमेदवार आहेत. भंडारा डोंगरावर डोंगर मंदिर प्रगतीपथावर असून या मंदिराच्या बांधकामावर बापूसाहेब भेगडे बारीक लक्ष ठेवून आहेत.
उमेदवारी अर्ज भरल्यानंतर खऱ्या अर्थाने निवडणूक प्रचाराला सुरवात झाली आहे. सर्वसामान्य जनतेपर्यंत सातत्याने पोहचण्याचा प्रयत्न करत आहोत. नागरिकांचाही आम्हाला उत्स्फूर्त प्रतिसाद मिळत आहे. सर्व पक्षाचे पदाधिकारी, कार्यकर्ते आणि जनता सोबत असल्याने नक्कीच विक्रमी मताधिक्य मिळेल, असा आम्हाला विश्वास आहे. त्याचबरोबर मतदार संघातील प्रत्येक कार्यकर्ता आणि पदाधिकारी हा स्वतःला उमेदवार समजूनच काम करत आहेत. – बापूसाहेब भेगडे, अपक्ष उमेदवार, मावळ विधानसभा मतदारसंघ
( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअ‍ॅप चॅनेलवर )
अधिक वाचा –
– महायुतीचा धर्म पाळणार, शेळकेंना विजयी करणार ! सुनिल शेळके यांच्यासाठी भाजपाचे कार्यकर्ते एकवटले
– …तर विरोधकांवर धमक्यांचे फोन करण्याची वेळच येणार नाही – आमदार सुनिल शेळके
– लोणावळा ग्रामीण पोलिसांचा पवनानगर, तिकोनापेठ येथे रुट मार्च । Lonavala Police
