निगडे (ता. मावळ) ग्रामपंचायतीच्या उपसरपंच पदी भगवान शंकर ठाकर यांची बिनविरोध निवड झाली आहे. निगडे ग्रामपंचायतीचे मावळते उपसरपंच गणेश मारुती भांगरे यांनी त्यांच्या पदाचा ठरविलेला कार्यकाल पूर्ण झाल्याने राजीनामा दिला होता. त्यामुळे रिक्त झालेल्या उपसरपंच पदाच्या निवडीसाठी विशेष सभा बोलावण्यात आली होती. ( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअॅप चॅनेलवर )
सोमवारी (दि. 8 जुलै) ग्रामपंचायत कार्यालय निगडे येथे रिक्त उपसरपंच पदासाठी विशेष सभा बोलावून निवड प्रक्रिया राबविण्यात आली. यावेळी सभा अध्यक्षस्थानी सरपंच भिकाजी भागवत हे होते. यावेळी विहित मुदतेत उपसरपंच पदासाठी भगवान शंकर ठाकर यांचा एकमेव अर्ज आला. त्यामुळे त्यांची उपसरपंच म्हणून निवड झाल्याचे जाहीर करण्यात आले. यावेळी निवडणूक सहाय्यक म्हणून ग्रामसेवक शशीकिरण जाधव यांनी काम पाहिले. ( Bhagwan Thakar elected deputy sarpanch of Nigde Gram Panchayat Maval )
यावेळी मावळते उपसरपंच गणेश भांगरे तसेच ग्रामपंचायत सदस्य मंगल भागवत, भागाबाई ठाकर, चंद्रकांत करपे,संदीप चव्हाण, रोशनी साळवे, मनिषा लोटे आदी उपस्थित होते. भगवान ठाकर यांना निवडीनंतर उपस्थितांनी शुभेच्छा देत त्यांचा सत्कार केला. तसेच ठाकर यांच्या कार्यकर्त्यांनी एकच जल्लोष करत भंडाऱ्याची उधळण केली. ‘आदिवासी समाजासाठी विविध योजना व विकासकामे तसेच गावच्या सर्वांगीण विकासासाठी प्रयत्न करणार,’ अशी प्रतिक्रिया नवनिर्वाचित उपसरपंच भगवान ठाकर यांनी दिली.
अधिक वाचा –
– वडगाव मावळ, लोणावळा येथे खासदार बारणे आणि अधिकारी वर्गाच्या उपस्थितीत मुख्यमंत्री माझी लाडकी बहीण योजनेचा शुभारंभ
– तळेगावकरांचे गाऱ्हाणे ऐकले ! बेजबाबदार मुख्याधिकारी एन के पाटील अखेर निलंबित, ड्रंक अँड ड्राईव्ह प्रकरण भोवले । Talegaon Dabhade News
– खुशखबर ! पवना धरण परिसरात पावसाचा जोर वाढला, पवना धरणातील जलसाठ्यात 4 टक्क्यांची वाढ । Pavana Dam Updates