Birth Registration New Rules : देशभरातील पालकांसाठी एक महत्वाची माहिती आहे. केंद्र सरकारने बाळाच्या जन्म दाखल्यात महत्वाचा बदल करण्याचा निर्णय घेतला आहे. यामध्ये जन्म दाखल्यात बाळाच्या आई-वडिलांबाबतची एक माहिती देणे बंधनकारक करण्यात आले आहे. एकंदरीत जन्म दाखल्याच्या फॉरमॅटमध्ये काय बदल करण्यात आलाय आणि त्याचा वापर कशासाठी होईल, हे आपण या लेखात सविस्तर पाहूयात… ( मावळ, पिंपरी-चिंचवड, पुणे परिसरातील ताज्या अपडेट्ससाठी दैनिक मावळचा व्हॉट्सअ‍ॅप चॅनेल जॉईन करा )
केंद्रीय गृहमंत्रालयाने जन्म दाखल्याच्या नियमांबाबत मोठा बदल करण्याचा निर्णय घेतलाय. त्यानुसार आता कुटुंबातील नव्या सदस्याच्या अर्थात बाळाच्या आई-वडिलांच्या धर्मासंबंधीची माहिती सांगणे अनिवार्य करण्यात आले आहे. त्याअंतर्गत नवजात बालकाच्या आई आणि वडिलांचा धर्म आणि इतर माहिती स्वतंत्रपणे नोंदविण्यात येणार आहे. ( Birth Registration New Rules Parents Need To Record Religion Separately For Child Birth Certificate )
याअगोदर देखील बालकाच्या जन्म नोंदणीवेळी कुटुंबाच्या धर्माची नोंद केली जात होती. परंतू आता कुटुंबात नवजात बालक जन्माला आले तर मुलाच्या जन्माच्या नोंदणीमध्ये पालकांच्या धर्माशी संबंधित माहिती भरावी लागणार आहे. पालकांना ही माहिती स्वतंत्रपणे भरावी लागणार आहे. केंद्र सरकारने यासंदर्भात प्रारुप नियमावली तयार केली आहे. गृह मंत्रालयाकडून बदलांचा हा प्रस्ताव सर्व राज्यांना पाठविण्यात आला आहे. त्यामुळे नव्या पालकांनी ही गोष्ट लक्षात ठेवावी लागणार आहे.
यापूर्वीच्या लहान मुलाच्या जन्मासंबंधी नोंदणी अर्ज क्रमांक-1 मध्ये कुटुंबाच्या धर्माचा रकाना होता. आता नवीन नियमानुसार त्यासोबत अजून एक कॉलम जोडण्यात आला आहे. या कॉलममध्ये लहान मुलाचे आई वडिलांशी संबंधित माहिती देणे बंधनकारक करण्यात आले आहे. दत्तक घेण्याची प्रक्रियेसाठी फॉर्म क्रमांक-1 जरुरी आहे. गेल्या वर्षी जन्म-मृत्यू नोंदणी (सुधारणा) कायदा पारित करण्यात आला होता. यामध्ये विशेष बदल पाहायला मिळाले. त्यानुसार राष्ट्रीय स्तरावरही जन्म-मृत्यूची नोंदणी आवश्यक असेल. दैनिक भास्करमध्ये यासंदर्भातील वृत्त प्रसारित झाले आहे.
सरकारचे दुरगामी धोरण –
सरकार येत्या काळात या माहितीचा विविध सरकारी योजना, विविध ओळखपत्रासाठी वापर करण्याची योजना आखत आहे. तुम्ही नोंदवलेल्या माहिती आधारे जन्मदाखल्याच्या फॉर्म क्रमांक – 1 मधून मिळणाऱ्या डेटाबेस आधारे या सेवांसाठी त्याचा वापर होईल. अनेक कागदपत्रांच्या अपडेटसाठी ही माहिती उपयोगी पडले. त्यासाठी तुम्हाला दहा वेळा दस्तावेजाची फोटो कॉपी देण्याची गरज नसेल. लहान मुलाच्या जन्माची ही माहिती डिजिटल सर्टिफिकेट सिंगल डॉक्युमेंट म्हणून जतन होईल.
इथे होईल उपयोग –
नॅशनल पॉप्युलेशन रजिस्टर (NPR), आधार कार्ड, मतदान कार्ड, रेशन कार्ड, पासपोर्ट, वाहन परवाना, शाळेत प्रवेशासाठी, महाविद्यालय, विद्यापीठातील अभ्यासक्रमास प्रवेश घेताना, शिष्यवृत्तीसाठी, बँकेत खाते उघडण्यासाठी, इतर सरकारी योजना, सरकारी गुंतवणूक योजनांसाठी डेटाबेस महत्वाचा, मृत्यूवेळी पडेल उपयोगी
मृत्यू प्रमाणपत्रावेळची फरफट थांबेल –
मृत्यू प्रमाणपत्रासाठी तुमची जन्माची डिजिटल माहिती आपोआप समोर येईल. मृत्य प्रमाणपत्रासोबतच त्याचा बँक तपशील, पीएफ, विमा आणि इतर माहिती समोर येईल. संबंधित विभागाला मृत्यूची माहिती कळविण्यात येईल. त्यामुळे नातेवाईकांना नाहक कागदपत्रांची जंत्री घेऊन संबंधित दावा करण्याची गरज उरणार नाही. रजिस्ट्रार जनरल ऑफ इंडियाकडून मृत्यू प्रमाणपत्र देण्यात येते. मृत्यूचे कारण आणि काही जुना आजार असेल तर त्याची माहिती देणे पण आवश्यक आहे. देशभरात आरजीआय जन्म आणि मृत्यूची माहिती जतन करणारी संस्था आहे.
अधिक वाचा –
– लोणावळा येथील शिवदुर्ग मित्र संस्थेचे सुनिल गायकवाड यांची महाराष्ट्र शासनाकडून ‘मानद प्राणी कल्याण अधिकारी’ म्हणून नेमणूक
– वडगावची ‘इशिता’ महाराष्ट्रात नंबर वन, राज्यस्तरीय एमटीएस परीक्षेत मिळवला प्रथम क्रमांक । Vadgaon Maval
– मावळमधील बेबडओहळ गावात मतदार जनजागृती कार्यक्रमाचे आयोजन; ग्रामस्थांनी घेतली मतदान करण्याची शपथ
