Dainik Maval News : तळेगाव दाभाडे शहरातील सर्वच मुख्य रस्त्यावर मोठ्या प्रमाणात खड्डे पडले आहेत. त्यामुळे अपघात होण्याचे प्रमाण वाढले असून वाहतूक कोंडीची समस्या वाढत आहे. या संदर्भात प्रशासनाला वारंवार सांगून देखील याकडे दुर्लक्ष होत असल्याने तळेगाव दाभाडे शहर भाजपा विद्यार्थी आघाडी यांच्या पुढाकारातून मुख्य रस्त्यावर पडलेले खड्डे स्वखर्चाने बुजून प्रशासनाचा निषेध व्यक्त करण्यात आला. ( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअॅप चॅनेलवर )
स्थानिक लोकप्रतिनिधी आणि पालिका प्रशासनाचे दुर्लक्ष यामुळे नियमित कर आकारणी करून सुद्धा मूलभूत नागरी सुविधांपासून तळेगाव दाभाडे मधील नागरिक वंचित आहेत. यामुळे गांधीगिरी पध्दतीने हे आंदोलन केल्याचे विद्यार्थी आघाडीच्या कार्यकर्त्यांनी सांगितले. ( BJP staged a protest by filling potholes on main road In Talegaon Dabhade )
आंदोलनात मावळ भाजपा विधानसभा निवडणूक प्रमुख रविंद्र भेगडे, तळेगाव शहर भाजपा अध्यक्ष संतोष दाभाडे-पाटील, विनायक भेगडे, सरचिटणीस स्वप्नील भेगडे, महिला आघाडी अध्यक्षा शोभ परदेशी, सरचिटणीस शोभा भेगडे, स्वप्नील सुतार, विद्यार्थी आघाडी उपाध्यक्ष रोहन जाधव त्यांचे सर्व सहकारी, कार्यकर्ते मोठ्या संख्येने सहभागी होते.
अधिक वाचा –
– आनंदाची बातमी ! पवना धरण काठोकाठ भरले, धरणातून विसर्ग पुन्हा सुरू । Pavana Dam News
– मराठी सिनेसृष्टीतील दिग्गज अभिनेते विजय कदम यांचे निधन, सिनेसृष्टी हळहळली । Actor Vijay Kadam Death
– नवउद्योजकांना प्रशिक्षणाची संधी, महाराष्ट्र संशोधन उन्नती व प्रशिक्षण प्रबोधिनीचा उपक्रम – वाचा सविस्तर
