वडगाव शहरातील मोरया महिला प्रतिष्ठानच्या माध्यमातून वडगाव – कातवी भागातील महिला भगिनींसाठी मोफत ‘व्यवसाय प्रशिक्षण आपल्या दारी’ एकदिवसीय व्यवसाय प्रशिक्षण उपक्रमाची सुरूवात करण्यात आली. या उपक्रमात जवळपास पन्नास प्रकारचे व्यावसायिक कोर्सेस उपलब्ध करण्यात आलेत. तसेच संपूर्ण वर्षभर हा उपक्रम राबविण्यात येणार आहे. ( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअ‍ॅप चॅनेलवर )
यात प्रामुख्याने नथ बनवणे, ग्रेव्ही बनवणे, केसांचे ब्रोच बनवणे, पेपर, कापडी बॅग तयार करणे, बिस्कीट, आईस्क्रीम, मेणबत्ती, अगरबत्ती यांसह पन्नास प्रकारचे व्यावसायिक कोर्सेस असणार आहेत. प्रत्येक महिला स्वताःचे घरसंसार सांभाळून हे व्यवसाय प्रशिक्षण घेऊ शकते, तसेच आपापल्या कुटुंबाला आर्थिक हातभार लावून स्वतःही आत्मनिर्भर होत कुटुंबाला प्रगतीपथावर घेऊन जाईल, असा प्रतिष्ठान अध्यक्षा अबोली ढोरे यांनी व्यक्त केला. ( Business Training initiative for women in Vadgaon Maval City )
प्रतिष्ठानच्या माध्यमातून सुरू करण्यात आलेले व्यवसाय प्रशिक्षणाचे कोर्स वडगाव शहरातील अनेक सोसायटी, बिल्डिंग, चाळ, काॅम्पलेक्स मधील विविध भागांमध्ये उच्चशिक्षित प्रशिक्षकांमार्फत प्रशिक्षण दिले जात आहे. ज्या महिलांना कोर्ससाठी नावनोंदणी करायची आहे. त्यांनी मोरया प्रतिष्ठान जनसंपर्क कार्यालयात स्वताः किंवा सोसायटी प्रतिनिधी यांनी उपस्थित राहून नाव नोंदणी करणे आवश्यक आहे.
कोर्सबद्दल माहिती –
या प्रशिक्षण कोर्सची फी फक्त 100 रुपये असणार असून प्रशिक्षणा दरम्यान नाश्ता, चहा, पाणी तसेच प्रशिक्षणास लागणारे सर्वच साहित्य मोरया प्रतिष्ठानच्या वतीने पुरविण्यात येणार आहे. प्रशिक्षण फॉर्म भरताना आधार कार्ड एक फोटो देणे आवश्यक आहे. एक महिला एका महिन्यात फक्त दोनच कोर्स करू शकते. प्रत्येकी एका कोर्स साठी 20 महिलांचे प्रवेश असणे आवश्यक आहेत. व्यवसाय प्रशिक्षण कोर्सेसमध्ये सहभाग नोंदविण्याकरिता तसेच अधिक माहितीकरिता या 9370925411 दूरध्वनीवर संपर्क साधावा.
अधिक वाचा –
– पालखी सोहळ्यासाठी पुणे जिल्ह्यातील तयारी अंतिम टप्प्यात; वारकऱ्यांसाठी आवश्यक सुविधांचे नियोजन करा – अजित पवार
– शेतकऱ्यांना बी-बियाणे आणि खतांचा वेळेवर पुरवठा करण्याचे उपमुख्यमंत्री अजित पवार यांचे निर्देश । Pune News
– वडगाव येथे मावळ तालुक्यातील आशा वर्कर्स, अंगणवाडी सेविका, महिला बचत गट प्रवर्तकांची संयुक्त आढावा बैठक संपन्न
