Dainik Maval News : शिवसेना पक्षाचे राष्ट्रीय अध्यक्ष व महाराष्ट्राचे विद्यमान उपमुख्यमंत्री एकनाथ शिंदे यांच्याकडून कार्ला गडावरील आई एकवीरा देवीच्या चरणी साडी चोळी समर्पित करण्यात आली आहे. शिवसेना पक्षाचे सचिव वैभव थोरात आणि मावळ तालुकाप्रमुख राजू खांडभोर हे देवीची ओटी घेऊन कार्ला गडावर आले होते.
- आई एकविरा देवीच्या चैत्री यात्रेला गुढीपाडव्यापासून सुरुवात झाली आहे. गुरुवारी षष्ठीला एकविरा देवीचा भाऊ श्री काळभैरवनाथ यांच्या पालखी मिरवणुकीचा सोहळा तर, शुक्रवारी (दि.४ एप्रिल) सप्तमीच्या कार्ला गडावर सायंकाळी एकविरा देवीचा पालखी मिरवणुकीचा भव्य सोहळा असणार आहे. यात्रेच्या निमित्त एकनाथ शिंदे यांच्या वतीने देवीला साडी चोळीची ओटी समर्पित करण्यात आली आहे.
एकनाथ शिंदे हे मुख्यमंत्री असताना त्यांनी एकविरा देवीच्या मंदिराचा व गड परिसराचा विकास करण्यासाठी ४० कोटी रुपयांचा निधी मंजूर केला. त्यांच्या हस्ते याठिकाणी विकासकामाचे भूमिपूजन झाले असून काही कामांना सुरुवात झाली आहे. येत्या काळामध्ये श्री एकवीरा देवीच्या कार्ला गडावर मोठ्या प्रमाणात विकासकामे करीत इथे येणाऱ्या भाविकांना उत्तम सुविधा उपलब्ध करून देण्याचा मानस शिंदे साहेबांचा असल्याचे तालुकाप्रमुख खांडभोर यांनी सांगितले.
( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअ‍ॅप चॅनेलवर )
अधिक वाचा –
– साखर कारखान्याच्या माध्यमातून तालुक्याचा विकास व्हावा ; शेतकऱ्यांच्या उसाला चांगला दर मिळावा – आमदार सुनिल शेळके
– मावळ तालुक्यातील इंदुरी येथील भुईकोट किल्ल्यावर 61 फुटी भगव्या ध्वजाचे लोकार्पण । Maval News
– मोठी बातमी : श्री संत तुकाराम महाराज संस्थानच्या अध्यक्षपदी जालिंदर मोरे यांची निवड ; चुरशीची लढतीत 63 मतांनी विजयी । Dehu News
