मोठी बातमी ! उपमुख्यमंत्री सुनेत्रा पवार यांच्याकडे ‘या’ तीन खात्यांचा पदभार ; ‘पॉवर’ मिळाली पण ‘तिजोरी’ नाही

Dainik Maval News : श्रीमती सुनेत्रा अजित पवार यांना आज (दि. ३१ ) सायंकाळी पाच वाजता लोकभवनात उपमुख्यमंत्री पदाची शपथ देण्यात आली. उपमुख्यमंत्रीपदाच्या शपथविधीनंतर त्यांचे खातेवाटप अधिकृतपणे जाहीर झाले आहे. दरम्यान सुनेत्रा पवार यांना तीन खात्यांची जबाबदारी देण्यात आली आहे. परंतु समोर आलेल्या माहितीनुसार अजित पवार यांच्याकडील महत्त्वाचे ‘अर्थ आणि नियोजन’ हे मात्र सुनेत्रा पवारांना देण्यात आलेले नाही.

अजितदादा पवार यांच्या निधनानंतर रिक्त झालेल्या मंत्रिमंडळातील पदभार देताना सुनेत्रा पवार यांच्याकडे तीन खात्यांचा कारभार देण्यात आला आहे. यामध्ये राज्य उत्पादन शुल्क (State Excise), क्रीडा व युवक कल्याण (Sports & Youth Welfare) आणि अल्पसंख्याक विकास (Minority Development) या खात्यांचा समावेश आहे.

वरील तिन्ही खात्यांची जबाबदारी सुनेत्रा पवारांकडे असणार आहे. राज्य उत्पादन शुल्क हे राज्याच्या महसुलाच्या दृष्टीने अत्यंत महत्त्वाचे खाते मानले जाते. याशिवाय क्रीडा आणि अल्पसंख्याक विकास खात्यांच्या माध्यमातून त्यांना राज्यातील तरुण आणि अल्पसंख्याक समाजापर्यंत पोहोचण्याची संधी मिळणार आहे.

अर्थ खात्याचा पेच कायम –
अजित पवारांच्या काळात ‘अर्थ आणि नियोजन’ खाते हे राष्ट्रवादीच्या ताकदीचे प्रमुख केंद्र होते. मात्र सुनेत्रा पवार यांना या खात्यापासून दूर ठेवण्यात आले आहे. आगामी राज्य अर्थसंकल्प 2026-27 सादर करण्याची वेळ जवळ आली असून फेब्रुवारीच्या अखेरीस अर्थसंकल्पीय अधिवेशन सुरू होणार आहे. सुनेत्रा पवार यांना प्रशासकीय आणि अर्थसंकल्पीय कामाचा अनुभव नसल्याने ऐन अर्थसंकल्पाच्या तोंडावर कोणतीही तांत्रिक चूक होऊ नये, या विचारातून हे खाते मुख्यमंत्री देवेंद्र फडणवीस यांनी स्वतःकडे ठेवल्याचे समजते.

Sunetra Pawar, Deputy CM of Maharashtra and wife of late Ajit Pawar, gets state excise duty, Sports and Youth Welfare, Minorities Development & Aukaf departments

The portfolios of Planning and Finance, which were assigned to Late Ajit Pawar, are now being held by Chief Minister… pic.twitter.com/udMdmQxKFe

— ANI (@ANI) January 31, 2026

( दैनिक मावळचा व्हॉट्सअ‍ॅप चॅनेल जॉइन करण्यासाठी इथे क्लिक करा )
अधिक वाचा :
– महाराष्ट्राच्या राजकारणाला असलेला शाप ! दादा – आबा – साहेब … अनेक दिग्गजांनी घेतलीये अकाली एक्झिट
– मावळची विकासरेखा हरवली ! मावळ विधानसभेच्या माजी आमदार रुपलेखा ढोरे यांचे अल्प आजाराने निधन
– महाराष्ट्राचे लाडके ‘दादा’ पंचतत्वात विलीन.. लाखो चाहते कार्यकर्त्यांकडून अजित पवार यांना साश्रूनयनांनी अखरेचा निरोप
– Photo : अजित दादा पवार यांचे कधीही न पाहिलेले दुर्मिळ फोटो