Dainik Maval News : कार्ला – खडकाळा जिल्हा परिषद गटामध्ये रविवारी स्वर्गीय अजितदादा पवार रक्षा कलश दर्शन यात्रा आयोजित करण्यात आली आहे. रविवारी सकाळी साडेनऊ वाजता पाथरगाव या ठिकाणाहून सदरची रक्षा कालच दर्शन यात्रा सुरू होणार आहे. पुढे पिंपळोली, ताजे, बोरज, घरकुल, मळवली, पाटण, डोंगरगाव वाडी, केवरे वसाहत, डोंगरगाव, कुणेनामा, पांगलोळी या गावांमध्ये सदरचा रक्षा कलश रथ जाणार आहे.
महाराष्ट्र राज्याचे लाडके उपमुख्यमंत्री अजित दादा पवार यांचे 28 जानेवारी रोजी विमान अपघातामध्ये दुःखद असे निधन झाले. त्यांच्या निधनामुळे संपूर्ण महाराष्ट्रामध्ये हळहळ व्यक्त केली जात आहे. सध्या राज्यात सर्वत्र जिल्हा परिषद व पंचायत समिती निवडणुका सुरू आहेत. मागील चार दिवसापासून पुणे जिल्ह्यातील मावळ तालुक्यामध्ये राष्ट्रवादी काँग्रेस पक्षाच्या वतीने प्रचार थांबवण्यात आला होता. जिल्हा परिषद व पंचायत समितीची निवडणूक येत्या सात फेब्रुवारी रोजी होणार आहे.
अजित दादा पवार यांच्या दुखद निधनाच्या पार्श्वभूमीवर राष्ट्रवादी काँग्रेस पक्षाकडून जाहीर प्रचार बंद ठेवण्याचा निर्णय घेण्यात आला असून केवळ मतदारांच्या घरोघरी जाऊन त्यांना मतदान पत्रके वाटप करत हात जोडून मत देण्याची मागणी केली जाणार आहे. राष्ट्रवादी काँग्रेस पक्षाला मत हीच अजितदादा पवार यांना खरी श्रद्धांजली अशा स्वरूपाची निवेदने या निवडणुकीच्या निमित्त मतदारांपर्यंत पोहोचवण्यात येणार आहेत.
मावळ तालुक्याच्या विकासासाठी अजित दादा पवार यांच्या माध्यमातून मोठ्या प्रमाणात निधी देण्यात आला आहे. अजित दादा यांच्या माध्यमातून मिळालेल्या निधीमधूनच मावळ तालुक्याच्या शहरी व ग्रामीण भागामध्ये मोठ्या प्रमाणात विकास कामे सुरू आहेत. याची आठवण मतदारांना या कलश यात्रा व पत्रकाच्या निमित्त करून दिले जाणार असून अजित दादांच्या स्वप्नातील मावळ घडवण्यासाठी राष्ट्रवादी काँग्रेसचे उमेदवार निवडून द्या असे आव्हान मतदारांना केले जाणार आहेत.
दिपाली दीपक हुलावळे, दीपक हुलावळे यांनी मावळचे आमदार सुनील अण्णा शेळके यांच्या माध्यमातून कार्ला खटकाळा या जिल्हा परिषद गटांमधील गावांमध्ये मोठ्या प्रमाणात निधी देत विकास कामांना चालना दिली आहे. मतदारसंघांमध्ये आजपर्यंत केलेली विकास कामे व जनतेशी असलेला संपर्क याच मुद्द्यांवर आपण मतदारांकडे मते मागत आहोत व नागरिकांचा देखील मोठा प्रतिसाद त्यांना मिळत आहे. मतदारसंघांमध्ये दिपाली दीपक हुलावळे यांनी मोठी आघाडी मिळवली असून जनतेच्या पाठिंब्यावर मिळालेली उमेदवारी व केलेली विकास कामे यामुळे या जिल्हा परिषद गटामधील मतदार ठामपणे त्यांच्या पाठीशी उभे आहेत.
अजित दादा पवार यांच्या निधनाच्या दुःखद घटनेमुळे सध्या प्रचाराचा वेग मंदावला असला तरी सर्वसामान्य मतदार हा आजही हुलावळे परिवाराच्या पाठीशी ठामपणे उभा आहे. हुलावळे परिवाराचे या संपूर्ण भागामध्ये मोठे योगदान असून मागील दोन पिढ्यांपासून या भागांमध्ये केलेल्या सामाजिक व राजकीय कामांमुळेच सर्वसामान्य मतदार त्यांच्याशी प्रेमाने व जिव्हाळ्याने जोडला गेलेला आहे. याच कारणांमुळे दिपाली हुलावळे यांना जास्तीत जास्त मताधिक्य देण्याचा निर्धार या संपूर्ण जिल्हा परिषद गटांमध्ये गावांनी केला असून गावोगावी त्यांना मिळत असलेला प्रतिसाद हे देखील विजयाचे धोतक असल्याचे बोलले जात आहे.
( दैनिक मावळचा व्हॉट्सअॅप चॅनेल जॉइन करण्यासाठी इथे क्लिक करा )
अधिक वाचा :
– महाराष्ट्राच्या राजकारणाला असलेला शाप ! दादा – आबा – साहेब … अनेक दिग्गजांनी घेतलीये अकाली एक्झिट
– मावळची विकासरेखा हरवली ! मावळ विधानसभेच्या माजी आमदार रुपलेखा ढोरे यांचे अल्प आजाराने निधन
– महाराष्ट्राचे लाडके ‘दादा’ पंचतत्वात विलीन.. लाखो चाहते कार्यकर्त्यांकडून अजित पवार यांना साश्रूनयनांनी अखरेचा निरोप
– Photo : अजित दादा पवार यांचे कधीही न पाहिलेले दुर्मिळ फोटो
