Dainik Maval News : मावळ तालुक्यातील ज्येष्ठ नागरिकांच्या सोयीसाठी तळेगाव-दादर व तळेगाव-बोरिवली ही एस.टी. बससेवा पूर्ववत सुरू करावी, अशी मागणी ज्येष्ठ नागरिक संघाने केली आहे. ज्येष्ठ नागरिक संघाचे दीपक जयवंत यांनी याबाबत परिवहन मंत्री, खासदार, आमदार, तळेगाव एस. टी. आगारप्रमुख आदींना निवेदन दिले आहे.
पूर्वी तळेगाव एस.टी. स्थानकातून तळेगाव-दादर व तळेगाव-बोरवली अशी एस.टी. सेवा सुरू होती. मात्र कोरोना काळापासून ही सेवा बंद करण्यात आली. ती पुन्हा सुरू न झाल्याने नागरिकांची विशेषतः ज्येष्ठ नागरिकांची मोठी गैरसोय होत आहे.
मुंबई येथील अनेक ज्येष्ठ नागरिक वडगाव तळेगाव परिसरात वास्तव्याला आहेत. त्यांना चढ-उतार करणे अवघड असल्याने रेल्वेने मुंबईला जाणे शक्य होत नाही. त्यांच्यासाठी एसटी प्रवास सोयीचा आहे. त्यामुळे पूर्वी येथून मुंबईसाठी सुरू असलेली एस.टी. सेवा पूर्ववत करावी, अशी मागणी ज्येष्ठ नागरिक मंडळाने केली आहे.
( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअॅप चॅनेलवर )
अधिक वाचा –
– प्रधानमंत्री आवास योजना – ग्रामीण टप्पा 2 अंतर्गत मावळ तालुक्यातील 1,602 लाभार्थींना मंजुरीपत्र वाटप । Maval News
– मोठी बातमी : लोणावळ्यात द्रुतगती मार्गाच्या पुलाखाली उभारण्यात आलेल्या अनधिकृत झोपड्यांवर प्रशासनाची धडक कारवाई । Lonavala
– दहावीच्या विद्यार्थ्यांना आमदार शेळकेंकडून खास पद्धतीने ‘ऑल दी बेस्ट’ ; संपूर्ण तालुक्यातील विद्यार्थ्यांसाठी मोफत बससेवा
