आमदार सुनिल शेळके यांच्या पाठपुराव्यातून पवन मावळातील शिवणे येथे मंडल अधिकारी कार्यालय व तलाठी कार्यालय इमारत बांधण्यात येणार आहे. या कामाचा भूमिपूजन समारंभ शनिवार (दिनांक 4 मार्च) रोजी करण्यात आला. या या कामासाठी एकूण 40 लाख 76 हजार रुपयांचा निधी उपलब्ध झाला आहे. या कार्यालयांच्या इमारतीच्या कामास लगेच सुरुवात केल्याबद्दल ग्रामस्थांनी आमदार शेळके यांचे आभार मानले. ( Due MLA Sunil Shelke Efforts Mandal Adhikari Talathi Office Building In Shivane Village Construction Started )
आमदार सुनिल शेळके यांच्या माध्यमातून प्रत्यक्षात निधी उपलब्ध झाल्याने ग्रामस्थांची गैरसोय दूर होईल व सुसज्ज कार्यालयामुळे स्थानिकांना तत्पर सुविधा मिळतील, असे सरपंच अजित चौधरी यावेळी म्हणाले.
दैनिक मावळचा व्हॉट्सअ‍ॅप ग्रुप जॉइन करण्यासाठी इथे क्लिक करा
ग्रामीण भागात तलाठी हा शासन व शेतकरी यांच्यामधील दुवा असतो. शेतजमिनी संबंधित अभिलेख अद्यावत रहावेत. तसेच विविध नोंदणी, दाखले यासाठी नागरिकांना नेहमीच तलाठी कार्यालयाची आवश्यकता भासते. तलाठी कार्यालयातील कर्मचाऱ्यांना अपुऱ्या जागेमध्ये कामकाज करावे लागते व अनेक अडचणींचा सामना त्यामुळे करावा लागतो. गावात सुसज्ज कार्यालये झाल्यानंतर सामान्य नागरिकांसह कर्मचारी वर्गाचेही कामकाज सोयीस्कर होण्यास नक्कीच मदत होणार आहे. गेल्या अनेक वर्षांपासून या गावांमध्ये तलाठी कार्यालयाची सुसज्ज इमारत नसल्याने गैरसोय होत होती. ही गरज आता पुर्ण होणार असल्याने ग्रामस्थांनी समाधान व्यक्त केले.
यावेळी सरपंच अजित चौधरी, उपसरपंच कविता शेटे, सदस्य महेंद्र वाळुंज, नवनाथ साळुंके, रेखा थोरवत, संगीता गायकवाड, विद्या गायकवाड,माजी सरपंच किसन कुंभार, शांताराम म्हस्के, बाबुराव नगिणे, सोसायटीचे संचालक तबाजी म्हस्के, तुकाराम लोहकरे, तंटामुक्ती अध्यक्ष राजु शिवणेकर, महेंद्र शिंदे, कैलास म्हस्के, अतुल शेटे, हनुमंत म्हस्के, कुणाल ओव्हाळ आदी उपस्थित होते.
अधिक वाचा –
– श्री एकविरा देवस्थान ट्रस्टचे विश्वस्त मंडळ राज ठाकरेंच्या भेटीला; देवस्थानबाबत राज ठाकरेंचा ग्रामस्थांना शब्द, म्हणाले…
– कोर्टात केस दाखल केली म्हणून हॉटेल व्यावसायिकाला शिवीगाळ करत जीवे मारण्याची धमकी, गहुंजेतील धक्कादायक प्रकार
