Dainik Maval News : मागील महिन्यात निकाल लागलेल्या मावळ पंचायत समितीच्या सर्व नवनिर्वाचित पंचायत समिती सदस्यांची विशेष बैठक सोमवारी (दि. ९) आयोजित करण्यात आली आहे. दरम्यान मावळ पंचायत समितीच्या दहाही जागा राष्ट्रवादी काँग्रेस पक्षाने जिंकल्या असल्याने प्रदीर्घ कालावधीनंतर ही दोन्ही पदे राष्ट्रवादी काँग्रेसकडे जाणार आहेत.
पक्षाने यापूर्वीच सभापती पदासाठी सुनीता येवले आणि उपसभापतीदासाठी साहेबराब कारके यांची नावे निश्चित केली आहेत. त्यामुळे सोमवारी होणाऱ्या बैठकीत या दोन्ही पदाधिकाऱ्यांची अधिकृत निवडीची औपचारिक बैठक पार पडेल.
महिनाभरापूर्वी झालेल्या निवडणुकीत राष्ट्रवादी काँग्रेसने तालुक्यातील जिल्हा परिषदेच्या पाच आणि पंचायत समितीच्या दहा अशा सर्व पंधरा जागांवर विजय मिळवून निर्विवाद वर्चस्व मिळवले होते. सुमारे तीस वर्षांच्या कालावधीनंतर मावळ पंचायत समितीवर राष्ट्रवादी काँग्रेसचा झेंडा फडकविण्यात यश आले. तर भाजपाची सत्ता एका दमात राष्ट्रवादीने मोडून काढली.
सभापती व उपसभापती पदासाठी निवडणूक निर्णय अधिकारी सुरेंद्र नवले यांच्या मार्गदर्शनाखाली सोमवारी (दि.९) निवडणूक होईल. यावेळी सभापती पद नागरिकांचा मागास प्रवर्ग महिलेसाठी राखीव आहे. या प्रवर्गातून चांदखेड गणातून विजयी झालेल्या सुनीता येवले या सदस्या आहेत. पक्षानेही त्यांच्या नावावर यापूर्वी शिक्कामोर्तब केलेले आहे.
उपसभापती पदासाठी सोमाटणे गणातून विजयी झालेले साहेबराव कारके यांचे नाव आमदार सुनील शेळके यांनी निश्चित केले आहे. राष्ट्रवादी काँग्रेसचे सर्वच्या सर्व दहा सदस्य असल्याने या दोघांची बिनविरोध निवड होणार, हे जवळपास निश्चित आहे.
निवडणूक कार्यक्रम पुढील प्रमाणे :
सकाळी १०.३० ते ११ – सभापती व उपसभापती पदासाठी उमेदवारी अर्ज दाखल करणे.
दुपारी १२.३० पासून विशेष सभेचे कामकाज सुरू करणे.
पुणे जिल्ह्यात मावळसह आठ ते नऊ तालुक्यात राष्ट्रवादी काँग्रेसचे सभापती व उपसभापती होणार असल्याची माहिती पक्षाचे जिल्हाध्यक्ष विठ्ठलराव शिंदे यांनी दिली.
( दैनिक मावळचा व्हॉट्सअॅप चॅनेल जॉइन करण्यासाठी इथे क्लिक करा )
अधिक वाचा :
– इयत्ता चौथी आणि सातवीच्या शिष्यवृत्ती परीक्षेकरिता नोंदणी आणि आवेदनपत्र भरण्यासाठी मुदतवाढ ; ‘या’ तारखेपर्यंत भरता येणार अर्ज
– मावळ कृषी उत्पन्न बाजार समितीचे सभापती संभाजी शिंदे यांचा राजीनामा ! जिल्हा उपनिबंधक यांच्याकडे सोपविला राजीनामा
– वाहतूकीचे नियम मोडणारे, गाडीला काळ्या काचा – फॅन्सी नंबरप्लेट असलेल्या वाहन चालकांवर वडगाव मावळ पोलिसांची कारवाई
– पुणे – लोणावळा रेल्वे प्रवास होणार सुसाट.. प्रवाशांचा वेळ वाचणार ; रेल्वे विभागाचा मास्टर प्लॅन – वाचा सविस्तर
