प्रियकराचा लग्नास नकार, तरुणीने उचलले टोकाचे पाऊल, लोणावळ्यातील धक्कादायक घटना

प्रेमात पडलेली जोडपी सोबत संसार करण्याच्या, सोबत मरण्याच्या आणाभाका घेतात. अशा जोडप्यांचे एकमेकांवर इतके प्रेम असते की त्यांना जगात दुसरे काही दिसत नाही. सोबत राहणे हे एकच ध्येय त्यांच्यापुढे असते. परंतू काही कारणास्तव जेव्हा त्यांच्या नात्यात विसंवाद निर्माण होतो, किंवा दोघांपैकी कुणी एक दुर जाऊ लागतो, तेव्हा तो त्रास दुसऱ्याला असह्य होतो. यातूनच अनेकदा टोकाचे निर्णय घेतले जातात. अशीच एक घटना लोणावळा शहरात ( Lonavla City ) घडली आहे.

सोबत जगण्याची स्वप्न पाहिलेल्या आणि सोबत राहण्याची आणाभाका घेतलेल्या एका जोडप्यात विसंवाद निर्माण झाला. यात मुलाने विवाहास नकार दिल्याने दीर्घकाळ नातेसंबंधात राहिलेल्या मुलीने प्रियकराच्या विरहापेक्षा मरण पत्करले. ( Girl Committed Suicide )

दैनिक मावळचा व्हॉट्सअ‍ॅप ग्रुप जॉइन करण्यासाठी इथे क्लिक करा

लोणावळा शहरातील रामनगर ( Ramnagar Lonavla ) येथे प्रेमविवाह करण्याचे स्वप्न पाहिलेल्या एका तरुणीने प्रियकर तरुणाने ऐनवेळी लग्नास नकार दिल्याने आत्महत्या केली आहे. मुळ परभणी येथील तरुणाने लग्नास नकार ( Boyfriend Refuse To Marry ) दिल्याने हताश झालेल्या तरुणीने आत्महत्या केली. आत्महत्येपूर्वी तरुणीने एक चिठ्ठी लिहिली असून त्यात लग्नास नकार मिळाल्याने हे पाऊल उचलल्याचे स्पष्ट झालंय.

लोणावळा पोलिसांनी ( Lonavla Crime ) दिलेल्या माहितीनुसार, रामनगर येथील या तरुणीचे परभणीमधील एका युवकासोबत प्रेमसंबंध होते. दोघेही लग्न करणार होते. मात्र, ऐनवेळी नात्यात काहीतरी बिनसलं आणि नंतर तरुणाने लग्न करण्यास नकार दिला. हा नकार सहन न झाल्याने तरुणीने आत्महत्येसारखा टोकाचा निर्णय घेतला. पोलिसांनी याप्रकरणी तरुणाला ताब्यात घेतले असून पुढील तपास सुरु आहे. ( Girl Committed Suicide After Boyfriend Refuse To Marry In Lonavla )

अधिक वाचा –
संतांच्या शिकवणीचा विसर, भटक्या श्वानाला मरेपर्यंत मारहाण, लोणावळ्यात चौघांविरोधात गुन्हा दाखल
महत्वाची बातमी! चांदणी चौकातील जुना पुल पाडणार, आजपासून वाहतूकीत बदल, जाणून घ्या