मावळ तालुक्यात आजपासून ग्रामपंचायत निवडणूकांची रणधुमाळी सुरु होत आहे. निवडणूक आयोगाने राज्यातील सुमारे 2 हजार 359 ग्रामपंचायतींच्या सार्वत्रिक निवडणुकांसाठी आणि 2 हजार 950 सदस्यपदाच्या, तर 130 थेट जनतेतून सरपंचांच्या रिक्त पदांसाठी पोटनिवडणूकांची घोषणा केली होती. त्यानुसार मावळ तालुक्यातील वाकसई ही ग्रामपंचायत वगळून तालुक्यातील एकूण 29 गावांच्या सार्वत्रिक निवडणूका व पोटनिवडणूकांचा कार्यक्रम जाहीर करण्यात आला होता. ( Gram Panchayat Election 2023 General And By Election Program Of 29 Villages In Maval Taluka )
त्यानुसार आज दिनांक 16 ऑक्टोबरपासून प्रत्यक्ष उमेदवारी अर्ज भरण्याची प्रक्रिया सुरु झाली आहे. यात दिनांक 5 नोव्हेंबर 2023 रोजी प्रत्यक्ष मतदान होणार असून 06 नोव्हेंबर 2023 रोजी मतमोजणी होणार आहे. मावळ तालुक्यातील 29 गावांपैकी सार्वत्रिक निवडणूका असलेली गावे ही 19 आहेत. तर, पोटनिवडणूका असलेली गावे ही 10 आहेत. ( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअॅप चॅनेलवर )
ग्रामपंचायत निवडणूकीची संपूर्ण कार्यक्रमपत्रिका –
- दिनांक 16 ते 20 ऑक्टोबर 2023 या कालावधीत नामनिर्देशनपत्रे दाखल करता येतील
- दिनांक 23 ऑक्टोबर 2023 रोजी नामनिर्देशनपत्रांची छाननी होईल
- पात्र नामनिर्देशनपत्रांपैकी अर्ज मागे घेण्याचा कालावधी दिनांक 25 ऑक्टोबर 2023 रोजी दुपारी 3 वाजेपर्यंत असेल
- दिनांक 25 ऑक्टोबर 2023 रोजी दुपारी 3 वाजल्यानंतर निवडणूक चिन्हांचे वाटप करण्यात येईल
- दिनांक 5 नोव्हेंबर 2023 रोजी मतदान होणार आहे
- मतदानाची वेळ सकाळी 7.30 ते सायंकाळी 5.30 अशी असेल
- मतमोजणी 06 नोव्हेंबर 2023 रोजी होईल
- दिनांक 9 नोव्हेंबर रोजी जिल्हाधिकारी निकालांची अधिक सुचना प्रसिद्ध करतील
सार्वत्रिक निवडणूका असलेली गावे – 19
जांबवडे, सदुंबरे, सुदवडी, साळुंब्रे, बेबडओहोळ, लोहगड, शिळींब, कोंडीवडे (आं.मा.), कल्हाट, आंबळे, भाजे, सांगिसे, मुंढावरे, उदेवाडी, मळवंडी ढोरे, दिवड, ओवळे, डोणे, आढले बुद्रुक
पोटनिवडणूका असलेली गावे – 10
चिखलसे, शिवणे, नवलाख उंब्रे, कुसगाव बुद्रुक, पुसाणे, शिरगाव, दारुंब्रे, तुंग, खांडशी, कान्हे
अधिक वाचा –
– ‘अभिवादन नवदुर्गांना’ । प्रबोधन गीतांच्या सादरीकरणातून त्या करताहेत लोकजागर; नकुसाबाई लोखंडेंचा प्रेरणादायी जीवनप्रवास
– ‘मुलींच्या शिक्षणासाठी ती झालीये सरस्वती अन् लक्ष्मी’, गोष्ट वनिता सावंत यांच्या ध्येयाची । अभिवादन नवदुर्गांना
– शेतकऱ्याचा खरा मैतर आणि जिवीचा जिवलग! मावळ तालुक्यात बैलपोळा सण उत्साहात साजरा
