वाकसई ग्रुप ग्रामपंचायतीच्या निवडणुकीत श्री वनोबा ग्रामविकास समितीच्या सोनाली मनोज जगताप यांनी बाजी मारली. त्यांनी प्रतिस्पर्धी उमेदवार सविता जयवंत येवले यांच्यावर 532 मतांनी विजय मिळविला. ग्रामपंचायतीचे सरपंचपद नागरिकांच्या मागास प्रवर्ग महिलेसाठी राखीव होते. सरपंचपदासाठी 3 तर सदस्यपदासाठी 11 जागांसाठी 29 उमेदवार रिंगणात होते. सरपंचाची थेट जनतेतून निवड होत असल्यामुळे ही निवडणूक अत्यंत चुरशीची झाली. ( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअ‍ॅप चॅनेलवर )
वडगाव मावळ येथील तहसील कार्यालयात गुरुवारी मतमोजणी शांततेत पार पडली. निकाल ऐकण्यासाठी नागरिकांनी मोठी गर्दी केली होती. निवडणुकीत सोनाली जगताप यांना 1 हजार 592 तर सविता येवले यांना 1 हजार 60 मते मिळाली. श्री आई एकवीरा जोगेश्वरी पॅनलच्या नम्रता हरिविजय देशमुख यांना केवळ 287 मते मिळाली. निवडणुकीत श्री वनोबा ग्रामविकास समितीचे चार, श्री स्वयंभू गणेश पॅनल व श्री शिवशंभो ग्रामविकास पॅनलचे चार तर आई एकवीरा भैरवनाथ पॅनेलचे तीन उमेदवार विजयी झाले. विजयी उमेदवारांची गुलाल, भंडाऱ्याची उधळण करत जल्लोषात मिरवणूक काढली गेली. ( Group Gram Panchayat Vaksai Election Result 2023 Maval Taluka )
अधिक वाचा –
– भाजपाकडून पुणे जिल्हा ‘आयुष्मान भारत’ संयोजकपदी सी.ए. योगेश म्हाळसकर यांची नियुक्ती
– तळेगाव दाभाडे येथील सुनिल उकाळे यांची राष्ट्रीय मराठा पार्टीच्या मावळ लोकसभा मतदारसंघ अध्यक्षपदी नियुक्ती
– पवना विद्या मंदिरचे वार्षिक स्नेहसंमेलन आणि पारितोषिक वितरण उत्साहात संपन्न; ‘विद्यार्थ्यांनी संशोधनात्मक वृत्ती बाळगावी’ – संतोष खांडगे
