महात्मा फुले जन आरोग्य योजना मावळ तालुक्यातील प्रत्येक गाव खेड्यात रुजवण्याचे प्रयत्न युद्धपातळीवर सुरू करण्यात येणार आहे, अशी माहिती मावळ तालुका काँग्रेस कमिटीच्या वतीने वडगाव मावळ येथील बैठकीत देण्यात आली. महाराष्ट्रात दारिद्र्य रेषे खालील म्हणजेच पिवळे रेशन कार्ड धारक तसेच दारिद्र्य रेषे वरील म्हणजेच केशरी रेशन कार्ड धारक हे सर्वजण या योजनेसाठी पात्र आहेत. मावळ तालुक्यात पवना हॉस्पिटल, पायोनियर हॉस्पिटल, मायमर जनरल हॉस्पिटल, ढाकणे हॉस्पिटल, संजीवनी हॉस्पिटल लोणावळा ह्या सक्रिय हॉस्पिटलमध्ये महात्मा फुले जन आरोग्य योजनेद्वारे उपचार केले जातात. ( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअॅप चॅनेलवर )
त्यामुळेच मावळ तालुक्यातील गावखेड्यातील रुग्णांना ह्या योजनेचा प्रभावीपणे लाभ घेता यावा, यासाठी काँग्रेसकडून प्रयत्न केले जाणार आहे. तालुक्यातील प्रत्येक खेड्यापाड्यात जाऊन आरोग्य सेवक याची माहिती माहिती देणार आहेत. सुमारे दीड लाख रुपये कॅशलेस स्वरूपातील रुग्ण वरील हॉस्पिटलमध्ये वापरू शकतात. त्यासाठी योजनेनुसार विविध पात्र आजारांची यादी समाविष्ट करण्यात आलेली आहे. एन्जिओप्लास्टी व किडनी संबंधित विविध आजार देखील या योजनेत मोफत देण्यात येतात. शासनामार्फत देण्यात येणाऱ्या योजनेचा सर्व स्तरीय पात्र रुग्णांनी लाभ घ्यावा, असे आवाहन मावळ तालुका काँग्रेसचे नेते रामदास काकडे यांनी केले आहे. ( Health Campaign By Maval Taluka Congress Mahatma Phule Jan Arogya Yojana Will Be Conveyed To Every Village )
प्रत्येक गावखेड्यात जाऊन आरोग्य सेवक, ग्रामसेवकांच्या माध्यमातून महात्मा फुले जन आरोग्य योजनेची माहिती देऊन पात्र रुग्णांसाठी वरील पाच पैकी कुठल्याही हॉस्पिटलमध्ये त्वरित उपचारांसाठी तत्पर असणार असल्याची माहिती तालुका अध्यक्ष यशवंत मोहोळ यांनी दिली. आरोग्य मित्रांच्या मदतीने वरील हॉस्पिटल मध्ये प्रभावी सेवा मिळावी यासाठी यंत्रणा सज्ज करण्यात आली आहे. लवकरात लवकर महात्मा फुले योजनेचे कार्ड वितरित करण्याचा कार्यक्रम काँग्रेस कमिटी तर्फे राबविण्यात येणार असल्याची माहिती तालुका प्रवक्ते मिलिंद अच्युत यांनी दिली.
अधिक वाचा –
– ब्रेकिंग! थर्टी फर्स्टची पार्टी जीवावर बेतली, इंद्रायणी नदी पात्रात बुडून 30 वर्षीय व्यक्तीचा मृत्यू । Talegaon News
– दिनांक 2 ते 5 जानेवारी रोजी मावळभूषण कृष्णराव भेगडे जाहीर व्याख्यानमाला, अनेक दिग्गजांचे विचार ऐकण्याची संधी । Talegaon Dabhade
– कौतुकास्पद! मावळच्या सुपुत्राची राष्ट्रीय पातळीवरील स्पर्धेसाठी महाराष्ट्र राज्य संघात निवड । Chaitanya Kondbhar