महत्वाचे! मुंबई-पुणे द्रुतगती महामार्गावर वाहतुकीत बदल, रविवारपासून ‘या’ वेळेत अवजड वाहनांना ‘नो एन्ट्री’

मुंबई-पुणे द्रुतगती महामार्गावरील वाहतूकीबाबत महत्वाची अपडेट समोर येत आहे. मुंबई पुणे द्रुतगती मार्गावर सलग सुट्यांमुळे होणारी वाहतूक कोंडी टाळण्यासाठी रविवारपासून (दि. 7 एप्रिल) ते 9 एप्रिलपर्यंत अवजड वाहनांना सकाळी 6 ते दुपारी 12 या वेळेत वाहतुकीस बंदी घालण्यात आली आहे. ही वाहने द्रुतगती मार्गावर कडेला (शोल्डर लेन) थांबवण्यात येणार आहेत. गैरसोय टाळण्यासाठी अवजड वाहनचालक, मालकांनी पुढील तीन दिवस सकाळी 6 ते दुपारी 12 या दरम्यान वाहने रस्त्यावर आणू नयेत, असे आवाहन महामार्ग पोलिसांनी केले आहे. ( मावळ, पिंपरी-चिंचवड, पुणे परिसरातील ताज्या अपडेट्ससाठी दैनिक मावळचा व्हॉट्सअ‍ॅप चॅनेल जॉईन करा )

उन्हाळी सुटी, तसेच गुढीपाडवा नूतन वर्ष यांमुळे अनेकजण सहकुटुंब पर्यटनासाठी बाहेर पडतात. यात कोकणाकडे जाण्यात पर्यटकांचा सर्वाधिक ओढा असतो. तसेच लोणावळा, खंडाळा परिसरात देखील मोठ्या संख्येने पर्यटक दाखल होत असतात. अशात अवजड वाहनांमुळे द्रुतगती मार्गावरील वाहतुकीवर ताण येतो अनेकदा वाहतूक कोंडी देखील होते. घाट क्षेत्रात ही वाहतूक कोंडी अधिक असते. तसेच ही अवजड वाहने घाटात बंद पडल्याने वाहनांच्या रांगा लागतात. हा सर्व प्रकार टाळण्यासाठी नवा पर्याय अवलंबण्यात आला आहे. ( Heavy Vehicles Face Restrictions on Mumbai-Pune Expressway Until April 9 Due To Holiday Rush )

वाहतुकीचे नियमन करण्यासाठी दिवसा अवजड वाहने घाट सुरू होण्यापूर्वी रस्त्याच्या कडेला थांबवण्यात येणार आहेत. मोटारीसह हलक्या वाहनांना प्राधान्य देण्यात येणार आहे. मोटारींच्या संख्येत वाढ झाल्यानंतर वाहतूक कोंडी सोडविण्यासाठी पुणे मार्गिकेवरील ताण कमी करण्यासाठी दहा ते पंधरा मिनिटे वाहतूक बंद (ब्लॉक) ठेवण्यात येणार आहे. मुंबई मार्गिकेवरील वाहतूक खंडाळा बोगदा परिसरात थांबवून पुणे मार्गिकेवरील वाहतूक विरुद्ध दिशेने वळविण्यात येणार असून, वाहतूक सुरळित करण्यात येणार आहे. तापमान वाढीमुळे जड-अवजड वाहने बंद पडत आहेत. त्यांना क्रेन, पुलर, पोलिस क्रेनच्या मदतीने वाहने लवकरात लवकर काढून वाहतुकीसाठी मार्गिका उपलब्ध करून देण्यात येणार आहेत, अशी माहिती महामार्ग पोलिसांनी दिली.

अधिक वाचा –
– मावळ लोकसभेचे उमेदवार संजोग वाघेरे यांच्या प्रचारार्थ महाविकास आघाडीच्या पदाधिकारी आणि कार्यकर्त्यांचा मेळावा संपन्न
– मोठी बातमी! लोकसभा निवडणूकीत मतदानाच्या दिवशी मतदारसंघात सार्वजनिक सुट्टी जाहीर, राज्य सरकारचा निर्णय
– लोणावळ्यात रात्री अपरात्री गोंधळ घालणाऱ्या हुल्लडबाजांवर कारवाई; अश्लील हावभाव करून नाच करणाऱ्या नर्तिकांसह 10 जणांवर गुन्हे दाखल