Dainik Maval News : मावळ तालुक्यात एक हृदय पिळवटून टाकणारी घटना घडली आहे. नायगाव येथील एका दाम्पत्याचा भरधाव कारने दिलेल्या धडकेत अपघाती मृत्यू झाला आहे. याबद्दल परिसरात शोक व्यक्त केला जात आहे. शनिवारी (दि.5) रात्री 10:30 वा. नायगाव (ता. मावळ) हद्दीत हा अपघात घडला. गणेश दत्तात्रय चोपडे आणि अर्चना गणेश चोपडे (रा. नायगाव) असे अपघातात मृत पावलेल्या जोडप्याचे नाव आहे.
कामशेत पोलिसांनी दिलेल्या माहितीनुसार गणेश चोपडे व अर्चना चोपडे हे पती पत्नी भजन करून एम एच 14 GB 7074 या दुचाकीवरून घरी जात असताना काळ्या रंगाचा अज्ञात थार कारने दुचाकीला पाठीमागून जोरात धडक दिली. या अपघातात गणेश चोपडे व अर्चना चोपडे गंभीर जखमी झाल्याने त्यांचा मृत्यू झाला. यांच्या मागे दोन मुलं आहेत. राष्ट्रवादी विद्यार्थी तालुका अध्यक्ष नवनाथ चोपडे यांचा चुलत भाऊ व भावजयी होत.
नवरात्रीच्या काळात या पतीपत्नीचा मृत्यू झाला. याबद्दल तालुक्यातून हळहळ व्यक्त होत आहे. तर अनियंत्रित वाहने चालविणाऱ्यांवर कारवाई करण्यात कमी पडणाऱ्या प्रशासनाचा तीव्र निषेध व्यक्त केला जात आहे. तसेच आजवर सेवा रस्ता नसल्याने अनेकांचे बळी गेलेत किमान या अपघातानंतर तरी प्रशासन जागे होणार का? असा सवाल केला जात आहे.
( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअॅप चॅनेलवर )
अधिक वाचा –
– कॅबिनेट बैठकीत पुणे रिंग रोड प्रकल्पाच्या कामास मान्यता, एकूण 42 हजार 711 कोटींचा प्रकल्प । Pune Ring Road
– रूपाली चाकणकर यांच्या प्रमुख उपस्थितीत तळेगावात ‘स्वच्छता ही सेवा’ उपक्रमाची सुरूवात । Talegaon Dabhade
– मुख्यमंत्री एकनाथ शिंदे आज मावळात येणार, कार्ला गडावर एकविरा देवीचे दर्शन घेणार । CM Eknath Shinde
