Dainik Maval News : कामशेत ग्रामपंचायतीकडून करण्यात आलेली आवाजावी 30 टक्के करवाढ रद्द करण्याचा निर्णय गटविकास अधिकारी, पंचायत समिती मावळ यांनी दिला आहे.
कामशेत ग्रामपंचायतीचे तत्कालीन ग्रामसेवक राजकुमार सोनटक्के यांनी ग्रामसभा न घेता 30 टक्के घरपट्टी वाढविली होती. त्यानंतर ग्रामसेविका झेंडे यांनी ही करवाढ रद्द केली होती. परंतु ग्रामसभेचा विरोध डावलून ही करवाढ अंमलात आणण्यात आली, त्यामुळे वाढीव कराला नागरिकांनी विरोध केला होता.
- करवाढ रद्द करण्यासाठी ग्रामस्थांनी ग्रामपंचायती समोर भजन आंदोलन करण्यापासून ते पंचायत समिती वडगाव कार्यालयापर्यंत आंदोलन केले होते. अखेर ग्रामस्थांच्या मागणीला यश आले असून गटविकास अधिकारी के.के. प्रधान यांनी करवाढीला स्थगिती दिली आहे.
बीडीओंच्या निर्णयानंतर ग्रामस्थांनी शहरातील छत्रपती श्री शिवाजी महाराज चौकात एकत्र येत आनंदोत्सव साजरा केला.
गटविकास अधिकाऱ्यांचा आदेश
ज्यांनी अधिक कर भरला आहे, ती रक्कम आगामी करातून वजा केली जाईल. कामशेत ग्रुप ग्रामपंचायतीच्या 30 टक्के वाढीव कर स्थगितीबाबत विशेष ग्रामसभा ठरावाच्या निर्णयाप्रमाणे अंमलबजावणी करण्यात यावी. नियमावलीनुसार समिती गठीत करण्यापासून ते अंतिम कर आकारणी यादी प्रसिद्ध होईपर्यंत तसेच फेर सर्वेक्षण करून ग्रामसभेच्या मान्यतेने पुढील कार्यवाही करण्यात यावी, असा आदेश बीडीओंनी कामशेत ग्रामपंचायतीला दिला आहे.
( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअ‍ॅप चॅनेलवर )
अधिक वाचा –
– पक्के ड्रायव्हिंग लायसन्स पाहिजे? आरटीओकडून जून महिन्याचे वेळापत्रक जाहीर, पाहा आवश्यक कागदपत्रे
– जिल्हाधिकाऱ्यांकडून मावळच्या सर्वांगीण विकासाला गती ; आमदार सुनील शेळके यांच्या पुढाकाराने महत्त्वपूर्ण बैठक
– पावसाळ्यात होणारे अपघात टाळण्यासाठी जुन्या पुणे-मुंबई महामार्गावरील 15 ‘ब्लॅक स्पॉट’ची दुरुस्ती । Pune Mumbai Highway
