Dainik Maval News : पुणे जिल्ह्यातील मावळ तालुक्यातील लोहगड किल्ल्याचा भाजे गावच्या बाजुला असलेला काही भाग कोसळल्याची घटना शनिवारी सायंकाळी घडली. सुदैवाने दरड कोसळल्यानंतर या दुर्घटनेत कोणतीही जीवितहानी झाली नाही. परंतु शिवभक्त किल्ल्याचा भाग कोसळण्याने दुःख व्यक्त करीत आहेत. ( Landslide at Lohagad Fort Pune District Maval Taluka ) या घटनेमुळे गतवर्षी किल्ले तिकोणावर झालेल्या भूस्खलनाच्या आठवणीही ताज्या झाल्या असून किल्ले संवर्धनासाठी झटणारे दुर्गसंवर्धक अशा घटनांमुळे व्यथित होत आहे.
- लोहगड किल्ल्याच्या पायथ्याशी पुर्वेच्या बाजूला लोहगड गाव वसलेले असून किल्ल्याला लागूनच गावची वस्ती आहे. या वस्तीची लोकसंख्या ६५० पेक्षा अधिक आहे. तर उत्तर बाजुला भाजे गाव आहे. राज्यासह सर्वच ठिकाणी गेल्या पंधरा दिवसापासून पडत असलेल्या पावसामुळे उत्तर बाजुच्या बाजुला असलेला काही भाग शनिवारी (दिनांक ७ जून) रोजी सायंकाळी ५.३० वाजताच्या सुमारास कोसळला.
दरड कोसळल्याचा आवाज आल्याने लोहगड येथील नागरिकांनी आपत्ती व्यवस्थापन व महसूल विभागाला कळविले आहे. परंतु दरड छोटी असल्याने कुठलीही जीवित अथवा वित्तहानी झालेली नाही. तरीही स्थानिकांनी अलर्ट राहणे गरजेचे असल्याचे प्रशासनाच्या वतीने सांगण्यात आले आहे. तर या ठिकाणी ग्रामपंचायत प्रशासन, पोलीस पाटील सरपंच, ग्रामसेवक यांनी ग्रामस्थांना अलर्ट राहण्याच्या सूचना दिल्या आहेत. ( Landslide at Lohagad Fort Pune District Maval Taluka )
लोहगड किल्लाच्या उत्तर बाजुला असलेला काही भाग कोसळला असल्याची घटना आज घडली असून याबाबत मी माहिती घेतली असून यामध्ये कोणत्याही प्रकारची जीवितहानी व वित्तहानी झाली नाही. याठिकाणी नागरिकांनी पावसाळ्यात सतर्क राहण्याचे आवाहन केले आहे. – विक्रम देशमुख, तहसीलदार मावळ
( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअॅप चॅनेलवर )
अधिक वाचा –
– देहूनगरीत तुकोबारायांच्या पालखी सोहळ्याची लगबग सुरू ! वारकऱ्यांची सुरक्षा, सोयीसुविधांबाबत आढावा बैठक संपन्न । Dehu News
– सोमवारपासून लोणावळ्यातील भांगरवाडी रेल्वे उड्डाणपुलाचे काम सुरू करा ! जिल्हाधिकाऱ्यांचा ‘ऑन द स्पॉट’ निर्णय । Lonavala News
– ‘एमएसआरडीसी’कडून पुणे-मुंबई महामार्गावर अपघातप्रवण क्षेत्रात उपाययोजना ; वडगाव फाटा, कामशेत घाट, शिलाटणे फाटा भागाचा समावेश
