नुकताच लोकसभा निवडणूक 2024 चा अंतिम निकाल जाहीर झाला. देशपातळीवर यंदाची लोकसभा निवडणूक एनडीए आघाडी विरुद्ध इंडिया आघाडी अशी लढली गेली असली तरीही महाराष्ट्रात मात्र महायुती विरोधात महाविकासआघाडी अशीच लढत झाली. यावेळच्या लढाईत महाविकासआघाडीने घवघवीय यश संपादित केले. महाराष्ट्रातील एकूण 48 जागांपैकी महाविकासआघाडीने तब्बल 30 जागा जिंकल्या. महाविकास आघाडीच्या या यशाबद्दल वडगाव मावळ शहरात मविआ कार्यकर्त्यांनी आनंदोत्सव साजरा केला. ( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअॅप चॅनेलवर )
निकाल जाहीर झाल्यानंतर सायंकाळी (दि. 4 जून) जवळपास देशातील आणि राज्यातील चित्र स्पष्ट झाले. देशात जरी एनडीएला बहुमत मिळाले तरीही 2019 च्या तुलनेत यावेळी इंडिया आघाडीने चांगलीच मुसंडी मारली. त्यात महाराष्ट्राचा वाटा मोलाचा राहिला. महाराष्ट्रात 48पैकी 30 जागांवर आणि एक अपक्ष अशा 31 जागांवर महाविकासआघाडीचे खासदार निवडून आले, तर कित्येक जागा या निसटत्या पराभवाने हातातून गेल्या. मविआचा हा विजय मोठा असून मावळ तालुक्यातील वडगाव शहरात महाविकासआघाडीच्या कार्यकर्त्यांनी फटाके फोडून, घोषणाबाजी केली आणि आनंद साजरा केला. ( Lok Sabha 2024 Results Mahavikas Aghadi success in Maharashtra MVA workers Celebration at Vadgaon Maval )
यावेळी मावळ तालुका राष्ट्रवादी काँग्रेस (शरद पवार गट) प्रभारी व प्रचार प्रमुख अतुल राऊत, मावळ तालुका रा. काँ. युवक अध्यक्ष (शरद पवार गट) विशाल वहिले, जिल्हा सरचिटणीस सुनिल शिंदे, मावळ तालुका सहकार सेल अध्यक्ष सुधाकर वाघमारे, मावळ तालुका अल्पसंख्यांक अध्यक्ष आफताब सय्यद, राजूशेठ बाफना, मा. ग्रा. पं.सदस्य सोमनाथ धोंगडे, तुषार वहिले, रवींद्र गायकवाड, सतीश जांभूळकर, दिपक कोकाटे, राहील तांबोळी, सचिन हिरे आदी उपस्थित होते.
मावळात महाविकासआघाडीच्या उमेदवाराचा पराभव –
राज्यात जरी महाविकासआघाडीचा डंका वाजला असला तरीही मावळ लोकसभेत मात्र मविआच्या उमेदवाराचा पराभव झाला आहे. मावळ लोकसभेत महायुतीचे उमेदवार श्रीरंग बारणे यांनी महाविकासआघाडीचे उमेदवार संजोग वाघेरे यांचा 96 हजार मतांनी पराभव केला. बारणेंनी खासदारकीची हॅटट्रीक केलीये. असे असले तरीही नवख्या संजोग वाघेरे यांनी श्रीरंग बारणेंना चांगलीच झुंज दिली. महत्वाचे म्हणजे या निवडणूकीत मविआची ताकद दिसून आली.
अधिक वाचा –
– थराराक ! मावळ तालुक्यात दोन गटात हाणामारी, एकाचा जागीच मृत्यू, अनेकजण जखमी । Maval Crime
– मावळात श्रीरंग बारणेंना मिळालेल्या आघाडीपेक्षा न मिळालेल्या मताधिक्याची चर्चा ! भाजपा की राष्ट्रवादी, नक्की कुणामुळे मतं घटली?
– कौतूकास्पद ! तळेगाव नगरपरिषदेकडून एकाच दिवशी तब्बल 200 झाडांची लागवड, जागतिक पर्यावरण दिनी राबवला उपक्रम । Talegaon Dabhade
