देशात आज (दि. 4 जून) लोकसभा निवडणूकीची मतमोजणी सुरू आहे. देशातील 543 मतदारसंघात सध्या मतमोजणी सुरू असून संपूर्ण देशाचे लक्ष लागलेल्या बारामती लोकसभा मतदारसंघाचा निकाल समोर आला आहे. मागील दोन तासांपासून विजयी आघाडी घेतलेल्या सुप्रिया सुळे यांनी अखेर विजयाची पताका फडकावली आहे. बारामती मतदारसंघात अजित पवार यांच्या पत्नी सुनेत्रा पवार यांचा पराभव करत सुप्रिया सुळे यांनी दणदणीत विजय मिळवला आहे. ( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअ‍ॅप चॅनेलवर )
बारामती लोकसभा मतदारसंघाची निवडणूक ही पवार कुटुंबीयांतील परस्पर उमेदवारीमुळे देशभरात चर्चेची झाली होती. स्वतः राज्याचे उपमुख्यमंत्री अजित पवार यांच्या पत्नीच सुनेत्रा पवार या विद्यमान खासदार सुप्रिया सुळे यांच्या विरोधात उभ्या होत्या. ननंद भावजय यांच्यातील ही लढत अटीतटीची आणि प्रतिष्ठेची होती. अखेर या प्रतिष्ठेच्या लढाईत सुप्रिया सुळे यांनी बाजी मारली असून लाखांच्या फरकाने त्या निवडून आल्या आहेत. शरद पवार, रोहित पवार यांनी यासाठी घेतलेले कष्ट सर्वांच्या समोर आहेतच. परंतू बारामतीच्या मतदारांनी पुन्हा एकदा बारामती ही साहेबांचीच हे दाखवून दिल्याची चर्चा होत आहे. ( Lok Sabha Election 2024 Result Supriya Sule won from Baramati Constituency Sunetra Pawar defeated )
अधिक वाचा –
– भाजपाचे ‘अब की बार 400 पार’ चं स्वप्न भंगणार ? इंडिया आघाडीची जोरदार मुसंडी, काँग्रेसचं दिमाखात कमबॅक । Lok Sabha Result 2024
– मावळ लोकसभा निकाल : 5 फेऱ्या पूर्ण, श्रीरंग बारणेंकडे 29,536 मतांची आघाडी, आतापर्यंत कुणाला किती मतदान? पाहा आकडेवारी
– लोकसभा निवडणूक निकाल : महाराष्ट्रात महाविकासआघाडीने दाखवली आपली ताकद ! महायुतीचं 45 पारचं स्वप्न लांब राहिलं
