लायन्स पॉईंटवर हुक्का विक्री करणाऱ्या दोघांवर, तर रात्री उशिरापर्यंत दुकाने उघडी ठेवणाऱ्या 6 जणांवर आणि हुल्लडबाजी करणाऱ्या तीन पर्यटकांवर लोणावळा ग्रामीण पोलिसांनी रविवारी मध्यरात्री कारवाई केली. पोलीस शिपाई रईस नजीर मुलाणी (लोणावळा शहर पोलीस) यांनी या प्रकरणी लोणावळा ग्रामीण पोलिसांत फिर्याद दिली. त्यानुसार संतोष शंकर आखाडे (वय 27 वर्षे, रा. भुशी – लोणावळा) आणि 2) दिपक भागु हिरवे (वय 27 वर्षे, रा. देवघर, ता. मुळशी) यांच्या विरोधात गुन्हा दाखल करण्यात आला आहे. ( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअॅप चॅनेलवर )
रविवार (दिनांक 17 डिसेंबर 2023) रोजी मध्यरात्री अडीचच्या सुमारास पोलिसांनी मौजे आतवण गावच्या हददीत टाईगर पाईंट इथे संबंधित मालकाच्या दुकानामध्ये कारवाई केली. यावेळी दोन टेबलवर हुक्का पिण्यासाठी असणारा पॉट व पाईप असे सात पॉट मिळून आले. तसेच सदर दुकानामधील एका कोपऱ्यातील खोलीमध्ये हुक्का पार्लरसाठी लागणारे पदार्थ आणि हुका पिण्यासाठी लागणारे साहित्य मिळुन आले. ( lonavala gramin police action against shopkeeper who sell hookah at tiger point )
पोलिसांनी दिलेल्या माहितीनुसार, आरोपींनी सार्वजनिक ठिकाणी व सार्वजनिकरित्या मानवी जिवितास धोका व शासनाने बंदी घातलेले साहित्य कब्जात बाळगल्याने मिळून आल्याने त्यांच्या विरूध्द सिगारेट व इतर तंबाखुजन्य उत्पादने (जाहिरातीस प्रतिबंध आणि व्यापार, वाणिज्य व उत्पादन पुरवठा आणि वितरण विनिमय) अधिनियम 2003 चे सुधारीत अधिनियम 2018 चे कलम 4(अ) व 21 (अ) प्रमाणे गुन्हा दाखल करण्यात आला. सदर गुन्ह्याचा पुढील तपास पोलिस निरिक्षक धुमाळ यांच्या आदेशान्वये पोलिस हवालदार पवार करीत आहेत.
तसेच, टायगर पॉइंट इथे उशिरापर्यंत दुकाने सुरू असल्याबाबत 6 जणांवर 33(w) प्रमाणे कारवाई करण्यात आली. तर, रात्रीच्या वेळी सार्वजनिक ठिकाणी हुल्लडबाजी करणाऱ्या 3 पर्यटकांवर देखील महाराष्ट्र पोलीस कायदा कलम 110/112 अन्वये कारवाई करण्यात आली. सदरची कारवाई पोलीस अधीक्षक अंकित गोयल, अपर पोलीस अधीक्षक मितेश घट्टे, सहा पोलीस अधीक्षक सत्यसाई कार्तिक यांच्या मार्गदर्शनाखाली API सचिन राऊळ, PSI शुभम चव्हाण, PSI भारत भोसले, पोहवा सागर बनसोडे, अंकुश नायकुडे, नितेश कवडे, सचिन गायकवाड, पोना दत्ता शिंदे, पोकॉ रहीस मुलाणी, सुभाष शिंदे, सिद्धेश वाघमारे यांच्या पथकाने केली.
अधिक वाचा –
– ‘मावळ तालुक्यातील वारकरी बांधवांना पायी दिंडीसाठी स्वतंत्र मार्गिका उपलब्ध करावी’, शिवसेना ठाकरे गटाचे तहसीलदारांना निवेदन
– श्रीराम मंदिर अक्षता कलश यात्रेचे वडगाव मावळमध्ये उत्साहात स्वागत
– आढे गावच्या सरपंच सुनीता सुतार यांना राजा शिवछत्रपती महाराष्ट्र रत्न राज्यस्तरीय आदर्श सरपंच पुरस्कार