सहाय्यक पोलीस अधीक्षक सत्यसाई कार्तिक (उपविभागीय पोलीस अधिकारी, लोणावळा विभाग लोणावळा) यांच्या सुचनांप्रमाणे संकल्प नशामुक्ती अभियान राबवण्यात येत आहे. या अभियांनार्तगत लोणावळा विभागामध्ये दारुविक्री, वाहतूक, गुटखा वाहतूक, गुटखा विक्री, गांजा वाहतूक व विक्री अशा केसेस करण्यात आलेल्या आहेत. ( Lonavala Rural Police Seized Ganja On Old Pune Mumbai Highway )
दैनिक मावळचा व्हॉट्सअ‍ॅप ग्रुप जॉइन करण्यासाठी इथे क्लिक करा
सहाय्यक पोलिस अधीक्षक सत्यसाई कार्तिक यांच्या संकल्प नशामुक्ती अभियानातून लोणावळा ग्रामीण पोलीस स्टेशनचे हद्दीमध्ये खालीलप्रमाणे कारवाई करण्यात आली;
1) गांजाचे सेवन करणारे लोकांचेविरुध्द कारवाई – 4
2) अवैधरित्या गुटखा वाहतूक करणारे वाहनांवर कारवाई – 1
जप्त माल – 6,83,१२० रुपयांचा गुटखा व वाहने
3) दारुबंदी कायदयाखाली गुन्हे – 27
जप्त माल – 2,94,010 रुपये किंमतीची देशी, विदेशी व गावठी दारु
दिनांक 11 जुलै 2023 रोजी ग्रे रंगाचा छोटा हत्ती मालवाहतूक टेम्पो नं. MH48 CB 1828 यामधून मुंबई ते पुणे रोडने मुंबई बाजूकडून पुणे बाजूकडे गांजाची वाहतूक होत आहे. अशी पोलीस अंमलदार केतन तळपे यांना खात्रीशीर बातमी मिळाल्याने लागलीच छापा कारवाई करीता वरीष्ठांना कळवून त्यांचे परवानगीने मौजे वरसोली ता. मावळ जि. पुणे गांवचे हद्दीमध्ये मुंबई ते पुणे हायवे रोडवर एम. एस. ई. बी. रेस्ट हाउसचे समोर सापळा रचून अत्यंत शिताफीने टेम्पो पकडला.
त्यामध्ये इसम नामे 1) अशोक भूजंग चव्हाण (वय ४३ वर्षे रा. धामणी खालापूर ता. खालापूर जि. रायगड) आणि 2) शंकर भगवान साळुंखे (वय 30 वर्षे रा. ठोंबरेवाडी लोणावळा ता. मावळ जि. पुणे) यांच्यासह सदर टेम्पोची झडती मध्य 20 किलो बिया – बोंडासह हिरवट काळसर तपकीरी रंगाचा ओलसर गांजा हा अंमली पदार्थ व औमपो असा एकुण 6,50,000 रुपयांचा माल जप्त करण्यामध्ये लोणावळा ग्रामीण पोलीस स्टेशनला यश आले आहे.
सदरबाबत यातील आरोपींच्याविरुध्द लोणावळा ग्रामीण पोलीस स्टेश न येथे गुंगीकारक औषधी द्रव्ये आणि मनोव्यापारावर परिणाम करणारे पदार्थ अधिनियम सन 1985 चे कलम 8(क), 2(ब), भा. दं. वि. का. क. 3 प्रमाणे गुन्हा दाखल करण्यात आला आहे. अशा प्रकारचा माल सप्लाय करणारे लोकांची फारमोठी साखळी असण्याची शक्यता आहे असा पोलीसांचा अंदाज असून त्या दृष्टीने तपास चालू आहे. अशी माहिती लोणावळा ग्रामीण पोलीस स्टेशनचे पोलीस निरीक्षक किशोर धुमाळ यांनी दिली.
सदरची कारवाई अंकीत गोयल (पोलीस अधीक्षक पुणे ग्रामीण) व मितेश गट्टे (अपर पोलीस अधीक्षक, पुणे, पुणे ग्रामीण), सत्यसाई कार्तीक (सहाय्यक पोलीस अधीक्षक, लोणावळा विभाग लोणावळा) यांच्या मार्गदर्शनाखाली पोलीस निरीक्षक किशोर धुमाळ, लोणावळा ग्रामीण पोलीस स्टेशन, सहा. पोलीस निरीक्षक देविदास करंडे, सहा. पोलीस उपनिरीक्षक युवराज बनसोडे, पो. ना. गणेश होळकर, पोलीस अंमलदार केतन तळपे, राहुल खैरे, प्रशांत तुरे यांनी कारवाई केली आहे.
अधिक वाचा –
– मावळ तालुक्याला हादरवणाऱ्या ‘शिरगाव सरपंच हत्या’ प्रकरणी मोठी अपडेट! ‘त्या’ तीनही आरोपींची कोर्टाकडून निर्दोष मुक्तता
– मावळ तालुक्यात पहिल्यांदाच 2 तहसीलदार; काले-कॉलनी व शिवणे मंडळमधील 60 गावांसाठी नवीन ‘अपर तहसीलदार’
