मावळ तालुक्यातील नागरिकांसाठी महाराजस्व अभियानांतर्गत ‘शासन आपल्या दारी’ उपक्रमाचा दुसरा टप्पा सोमवार दिनांक 5 फेब्रुवारी ते बुधवार दिनांक 14 फेब्रुवारी या कालावधीत राबवण्यात येत आहे. यातील पहिले चार दिवस पार पडले असून दरम्यान मावळातील संबंधित गावांतील नागरिकांचा अभियानाला उदंड प्रतिसाद लाभला आहे. या उपक्रमात शासनाच्या सर्व योजना एकाच छताखाली मिळत असल्याने नागरिकांचा 4 दिवसांतील प्रतिसाद हा वाढताच राहिलाय. त्यात चार दिवसांची आकडेवारी पाहता तब्बल 6 हजार 606 लाभार्थ्यांनी विविध योजनांचा लाभ घेतल्याची माहिती मिळत आहे. ( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअ‍ॅप चॅनेलवर )
ह्या उपक्रमात प्रत्येक गावासाठी एक दिवस निश्चित करण्यात आला आहे. त्या दिवशी गावाशी संबंधित अधिकारी उपस्थित राहतात. त्यामुळे विविध शासकीय योजनांची अंमलबजावणी योग्य प्रकारे करता येते. एकाच ठिकाणी शासकीय दाखले, शेतकऱ्यांसाठीच्या योजना, महिला सक्षमीकरणाच्या योजना तसेच वैयक्तिक लाभाच्या योजनांचे लाभ घेता येत आहेत. वडगावातील भेगडे लॉन्स इथे सकाळी 9 ते सायं 6 पर्यंत हे अभियान राबवले जात आहे. ( Maharajswa Abhiyan Shasan Aplya Dari Upakram Maval Taluka MLA Sunil Shelke )
मावळचे आमदार सुनिल शेळके हे स्वतः मागील 4 दिवसांपासून ‘शासन आपल्या दारी’ कार्यक्रम यशस्वीपणे राबवण्यासाठी झटत आहे. नागरिकांसोबत बोलत आहेत. त्यांची कामे मार्गी लागण्यासाठी सुचना करत आहेत. पहिल्या दिवशी नागरिकांची कामे काही अधिकारी व्यवस्थित करत नसल्याचे दिसताच त्यांनी संबंधित अधिकाऱ्यांची कानउघाडणी देखील केल्याचे दिसून आले. पुर्वनियोजनाप्रमाणे मावळ तालुक्यातील दररोज साधारण 15 गावे उपक्रमात भाग घेत आहेत. 14 तारखेपर्यंत हे अभियान चालेल. त्यानंतर 15 तारखेला आमसभा होणार आहे.
अधिक वाचा –
– मावळ खरेदी-विक्री संघाच्या निवडणूकीचा मार्ग मोकळा! ‘ते’ दोन्ही अर्ज मंजूर, महायुतीच्या एकजुटीला यश, वाचा सविस्तर
– मोठी कारवाई! लोणावळ्यात विदेशी दारूचा साठा जप्त, पुणे उत्पादन शुल्क विभागाची कारवाई । Pune Crime
– पुणे जिल्ह्यातील दुसऱ्या विमानतळाबाबत खासदार बारणेंनी संसदेत उठवला आवाज; मंत्री ज्योतिरादित्य सिंधीया यांचे मराठीत उत्तर
