मावळ तालुक्यातील खरेदी विक्री संघाची निवडणूक पार पडत असुन या निवडणुकीत ‘अ वर्गाती’ल टाकवे गटातील उमेदवार शिवाजी असवले, प्रकाश देशमुख यांचा अर्ज बाद करण्यात आला होता. अर्ज बाद केल्याने शिवाजी असवले यांनी साहाय्यक निबंध यांच्याकडे अपील करण्यात आले होते. या अपिलावर मंगळवारी सहाय्यक निबंधक सर्जेराव कांदळकर यांच्या दालनात सुनावणी पार पडली. ( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअ‍ॅप चॅनेलवर )
यामध्ये अर्जकर्ते शिवाजी असवले व प्रकाश देशमुख यांचे वकील अँड. हेमंत वाडेकर यांच्याकडून करण्यात आलेल्या युक्तिवादात मा. उच्च न्यायालय मुंबई कार्टातील एका प्रकरणात दाखल झालेल्या याचीका कामांक ३२९८ / २०२२ मध्ये याचिकाकर्ते श्री दिलीप पंडीतराव जाधव विरूदध निवडणुक निर्णय अधिकारी कादवा सहकारी साखर कारखाना व इतर या प्रकरणातील दिलेल्या न्याय निकालाचा दाखला देऊन निवडणुक लढविण्यासाठी सदर अपिलकर्ते यांची विनंती मेहेरबान कोर्टाने मान्य करून निवडणुक लढविण्याची परवानगी दिलेली असल्याने तशाच पदधतीने अर्जदार यांचेही अपिल मान्य करून त्यांनाही निवडणुक लढविण्याची परवानगी दयावी अशी विनंती केली होती.
यानुसार अर्जदार व सर्व जाब देणार यांनी सादर केलेले लेखी व तोंडी पुरावे तसेच मा. उच्च न्यायालय मुंबई यांनी रीट पिटीशन क्रमांक ३२९८ / २०२२ यामध्ये दिलेला न्यायनिवाडा पाहाता काही निरीक्षणे नोंदवण्यात आली. त्यानुसार शिवाजी असवले व प्रकाश देशमुख यांचा अर्ज पात्र ठरविण्याचे आदेश सहाय्यक निबंधक सर्जेराव कांदळकर यांनी दिले. ( Maval Taluka Kharedi Vikri Sangh Nivdnuk Update )
दोन्ही उमेदवारांनचे अर्ज मंजूर करण्यात महायुतीच्या नेत्यांनी देखील एकजुट दाखविल्याने या गटातुन महायुतीचा उमेदवार विजयी होणार, असा विश्वास यावेळी व्यक्त करण्यात आला. परिणामी बिनविरोध निवड झाल्याचा जल्लोष साजरा केलेल्या शांताराम लष्करी यांना आता निवडणुकीला सामोरे जावे लागणार आहे. येत्या पंधरा तारखेला संपूर्ण निवडणूकीचे चित्र स्पष्ट होणार आहे.
अधिक वाचा –
– पुण्याचे जिल्हाधिकारी डॉ. राजेश देशमुख यांची बदली, ‘हे’ कर्तव्यदक्ष अधिकारी बनले पुण्याचे नवे कलेक्टर । New District Collector Pune
– लाखो वारकऱ्यांच्या माहेरघराचे रुपडे पालटणार! श्रीक्षेत्र पंढरपूर विकास आराखड्याबाबत मुख्यमंत्र्यांचे थेट निर्देश । Pandharpur Development Plan
– तळेगावच्या एम्प्रोस इंटरनॅशनल स्कूलचे तिसरे वार्षिक स्नेहसंमेलन उत्साहात साजरे । Talegaon Dabhade
