Dainik Maval News : अखेर ज्या क्षणाची सर्वांनाच प्रतीक्षा होती, तो क्षण आला आहे. केंद्रीय निवडणूक आयोगाने महाराष्ट्र विधानसभा निवडणूकीची घोषणा केली आहे. दुपारी (दि.15 ऑक्टोबर) घेतलेल्या पत्रकार परिषदेत निवडणूक आयोगाने महाराष्ट्र राज्य विधानसभा निवडणूक कार्यक्रमपत्रिका जाहीर केली आहे. सोबतच आयोगाने झारखंड राज्य विधानसभा निवडणूकीची घोषणा देखील केली आहे. महाराष्ट्रात 20 नोव्हेंबर 2024 रोजी विधानसभेसाठी मतदान होणार आहे, तर 23 नोव्हेंबर 2024 रोजी मतमोजणी होऊन निकाल जाहीर होणार आहे. (Maharashtra State Assembly Elections Announced)
राज्यात सध्या अस्तित्वात असलेल्या विधानसभेची मुदत 26 नोव्हेंबर 2024 रोजी संपत आहे. त्यामुळे निवडणूक आयोगाला त्यापूर्वी विधानसभेची निवडणूक घेणे बंधनकारक होते. त्यानुसार आयोगाने आज पत्रकार परिषद घेवून निवडणूकीची घोषणा केली. 23 नोव्हेंबर रोजी निवडणूकीचा निकाल जाहीर होणार असल्याने बरोबर 26 नोव्हेंबर पूर्वीच राज्यात नवीन विधानसभा अस्तित्वात येइल. (Maharashtra State Assembly Elections Announced)
महाराष्ट्र विधानसभा संक्षिप्त स्वरूपात –
1960 मध्ये महाराष्ट्र राज्य विधानसभेचे कनिष्ठ सभागृह असलेल्या पहिल्या महाराष्ट्र विधानसभेच्या मतदारसंघांची संख्या 264 होती. 33 मतदारसंघ अनुसूचित जातीच्या उमेदवारांसाठी राखीव होते आणि 14 जागा अनुसूचित जमातीच्या उमेदवारांसाठी राखीव होत्या. 2008 मध्ये विधानसभा मतदारसंघांच्या परिसीमनानंतर महाराष्ट्र विधानसभेच्या मतदारसंघांची संख्या 288 झाली. त्यात सध्या अनुसूचित जातीच्या उमेदवारांसाठी 29 मतदारसंघ राखीव आहेत आणि अनुसूचित जमातीच्या उमेदवारांसाठी 25 मतदारसंघ राखीव आहेत.
( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअ‍ॅप चॅनेलवर )
अधिक वाचा –
– ग्रामपंचायत आंबी अंतर्गत विविध विकासकामांचे भूमिपूजन संपन्न । Maval News
– संत गाडगेबाबा ग्राम स्वच्छता अभियान २०२२-२३ अंतर्गत विभागस्तरीय निकाल जाहीर, पाहा विजेत्या गावांची यादी
– टाकवे गावात होणार भव्य मारुती मंदिर, दसऱ्याच्या मुहूर्तावर आमदार सुनील शेळके यांच्या हस्ते भूमिपूजन । MLA Sunil Shelke
