अजित करवंदे आणि सावरी सातकर ठरले मावळ चषक कुस्ती स्पर्धेचे मानकरी, पाहा विजेत्यांची संपूर्ण यादी

पुणे जिल्हा कुस्तीगीर संघाच्या मान्यतेने व मावळ तालुका कुस्तीगीर संघाच्या वतीने आयोजित करण्यात आलेल्या मावळ चषक कुस्ती स्पर्धेत पुरुष गटात कल्हाट गावच्या अजित करवंदे यांनी ऊर्से गावच्या संकेत ठाकूर याला हरवत मानाची गदा पटकावली तर महिला गटात सावरी सातकर हिने सनम शेख हिच्यावर मात करुन मानाची गदा पटकावली. यावेळी विजेत्यांना चांदीची गदा व रोख बक्षीस देऊन सन्मानित करण्यात आले.

दैनिक मावळचा व्हॉट्सअ‍ॅप ग्रुप जॉइन करण्यासाठी इथे क्लिक करा

शनिवार (दिनांक 27 मे) सोमाटणे येथील मैदानावर झालेल्या स्पर्धेत मावळ तालुक्यातील 240 मल्लांनी व 25 महिला मल्लांनी सहभाग नोंदविला. बाल गट, कुमार गट आणि वरिष्ठ गट अशा 250 प्रेक्षणीय कुस्त्या यावेळी झाल्या. स्पर्धेचे प्रमुख आकर्षण असलेली लढत महाराष्ट्र केसरी पृथ्वीराज पाटील विरूद्ध उप महाराष्ट्र केसरी विशाल बनकर यांची कुस्ती बरोबरीत सोडवण्यात आली. स्पर्धेचे आयोजन आमदार सुनिल शेळके, दिपक हुलावळे, संदीप आंद्रे, किशोर सातकर, देवा गायकवाड इत्यादीने केले होते. ( maval cup wrestling tournament 2023 organized by pune district and maval taluka kustigir sangh )

स्पर्धेचे उद्घाटन ऑलिंपिकवीर मारुती आडकर, मावळ तालुका कुस्तीगीर संघाचे अध्यक्ष खंडू वाळुंज, संभाजी राक्षे, सचिन घोटकुले, मनोज येवले, तानाजी कारके, अंकुश काकरे, बंडू येवले, पप्पू कालेकर तसेच मावळमधील पैलवानांच्या उपस्थितीत झाले. स्पर्धेचे सूत्रसंचालन बाबा निम्हण, संदीप वांजळे, चंद्रकांत चांदेकर अजिंक्य टिळे यांनी केले.

गटनिहाय विजेते, उपविजेते पुढीलप्रमाणे :

बाल गट
22 किलो – चेतन चिमटे, पवन दळवी
25 किलो – श्रवण बोडके, आरुष ठुले
28 किलो – ओम पवार, अनुज डुकरे
32 किलो – स्वराज बोडके, तुषार शिंदे
35 किलो – राजवर्धन घारे, मोहित दाभाडे
38 किलो – वेदांत भोईर, मयूर सुपे
42 किलो – संकल्प चांदेकर, चैतन्य ठाकर
कुमार गट
45 किलो – कार्तिक आडकर, शौर्य गोपाळे
48 किलो – साहिल दगडे, महेश खमसे
51 किलो – मयूर आखाडे, धीरज शिंदे
55 किलो – तेजस कारके, ओम वाघोले
60 किलो – साहिल आंद्रे, कौशल्य घोटकुले
वरिष्ट गट
57 किलो सतीश मालपोटे, स्वप्निल काटे
61 किलो – अभिषेक हिंगे, सागर जांभुळकर
65 किलो – वैष्णव आडकर, प्रतीक येवले
70 किलो – समीर घारे, सुजल वाळुंज

अधिक वाचा –
– तळेगाव शहरात भाजपाकडून स्वातंत्र्यवीर सावरकर यांची 140वी जयंती उत्साहात साजरी । Savarkar Jayanti 2023
– धक्कादायक! आंदरमावळात बिबट्याच्या हल्ल्यात बैलाचा मृत्यू, गरीब शेतकऱ्यावर कोसळला दुःखाचा डोंगर