Dainik Maval News : जुना मुंबई-पुणे महामार्ग आणि यशवंतराव चव्हाण द्रुतगती मार्गालगत अनधिकृतपणे लावण्यात आलेल्या जाहिरात फलकांवर त्वरीत कारवाई करण्यात यावी, अशी मागणी महाराष्ट्र नवनिर्माण विद्यार्थी सेनेच्या वतीने करण्यात आली आहे.
याबाबत पक्षाचे तालुका अध्यक्ष अशोक कुटे यांनी पुणे महानगर विकास प्राधिकरण यांना निवेदन दिले असून एका महिन्यात कारवाई न झाल्यास तीव्र आंदोलनाचा इशारा दिला आहे.
मुंबई-पुणे मार्गावर शेकडो अनधिकृत जाहिरात फलक लावण्यात आले आहेत. यातील अनेक फलकांसाठी शासकीय परवानगी घेण्यात आलेली नाही. तसेच फलकांसाठी अनेक झाडांची बेकायदेशीरपणे कत्तल करण्यात आली आहे.
या बेकायदेशीर फलकांमुळे अपघातांचे प्रमाण वाढले असून या जाहिरात माफियांवर कठोर कारवाई करणे गरजेचे असल्याचे मनसेने स्पष्ट केले आहे. यावेळी अमित भोसले, निखिल भोसले, दिनेश कालेकर आदी उपस्थित होते.
( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअ‍ॅप चॅनेलवर )
अधिक वाचा –
– 25 पेक्षा जास्त वाहन मालकांची मागणी आल्यास जागेवरच फिटमेंट शुल्काशिवाय ‘एचएसआरपी’ बसवून मिळणार
– राज ठाकरेंनी भाकरी फिरवली ; मावळ तालुका मनसेत मोठे फेरबदल, तालुकाध्यक्षपदी अशोक कुटे यांची निवड । Maval News
– स्वबळावर लढण्याची तयारी हवी ; कामशेत येथील मेळाव्यात रामदास आठवले यांचे कार्यकर्त्यांना मार्गदर्शन । Kamshet News
– वन्यजीव रक्षकांच्या प्रयत्नांना यश, कासवांच्या पिल्लांनी पाहिले जग । Maval News
