Dainik Maval News : महाराष्ट्र राज्य माध्यमिक आणि उच्च माध्यमिक शिक्षण मंडळाचा इयत्ता बारावीचा निकाल जाहीर झाला आहे. या परीक्षेचा निकाल ९१ टक्के इतका लागला असून, परीक्षेला बसलेल्या १४ लाख विद्यार्थ्यांपैकी १३ लाख विद्यार्थी उत्तीर्ण झाले आहेत. दरवर्षीप्रमाणे यावर्षी मुलींनीच बाजी मारली आहे. दरम्यान मावळ तालुक्याचा बारावीचा निकाल ९५.१० टक्के इतका लागला आहे.
मावळ तालुक्यातील एकूण ३ हजार ९१० विद्यार्थ्यांनी यंदा बारावी बोर्ड परीक्षेसाठी परीक्षेसाठी अर्ज भरला होता. त्यापैकी १९१४ मुले आणि १९९६ मुली होत्या. यापैकी १९१३ मुलांनी तर १९९० मुलींनी परीक्षा दिली. त्यातील १७७८ मुले आणि १९३४ मुली उत्तीर्ण झाल्या. मुलांचा निकाल ९२.९४ तर मुलींचा निकाल ९७.१८ टक्के लागला आहे.
मावळ तालुक्यात डिस्टिंक्शन मध्ये ३२४, प्रथम श्रेणी ११११, द्वितीय श्रेणी १८३५, पास ग्रेड ४४२ विद्यार्थ्यांना मिळाला. तर १९१ विद्यार्थी अनुत्तीर्ण झाले आहेत. मावळ तालुक्यात ३३ ज्युनिअर कॉलेज आहेत. त्यातील १२ कॉलेजचा निकाल १०० टक्के लागला आहे.
१०० टक्के निकाल लागलेले ज्युनिअर कॉलेज
नवीन समर्थ विद्यालय ज्युनिअर कॉलेज ऑफ सायन्स, श्री रमेशकुमार सहानी ज्युनिअर कॉलेज, गीता विद्यानिकेतन, ऑक्सिलीयम कॉन्व्हेंट सेकंडरी हायर सेकंडरी स्कुल, श्री एकविरा ज्युनिअर कॉलेज ऑफ कॉमर्स, माईर्स विश्वशांती गुरुकुल स्कुल, रेवूड इंटरनॅशनल हायर सेकंडरी अमेट कॉम्प्लेक्स, श्री छत्रपती शिवाजी विद्यामंदिर अँड ज्युनिअर कॉलेज, जैन ज्युनिअर कॉलेज, ऑल सेंट चर्च हायर सेकंडरी अँड ज्युनिअर कॉलेज, एस मंडल ज्युनिअर कॉलेज ऑफ सायन्स, डॉन बॉस्को ज्युनिअर कॉलेज.
अधिक वाचा –
– वाळू, खडी, मुरुम, दगड आदी बांधकाम साहित्य वापरताना गौणखनिज उत्खननाची परवानगी घेणे आवश्यक । Pune News
– पशुसंवर्धन विभागाच्या योजनांसाठी ऑनलाईन अर्ज करण्याचे आवाहन, ‘असा’ करा अर्ज । Pune News
– पवना धरणात अवघा 33 टक्के पाणीसाठा शिल्लक ! 30 जूनपर्यंत पुरेल इतकेच पाणी, नागरिकांनी पाणी जपून वापरावे । Pavana Dam
– राष्ट्रीय तायक्वांदो स्पर्धेत मावळ तालुक्यातील खेळाडूंना घवघवीत यश । Lonavala News
