MLA Sunil Shelke Grandmother Passed Away : मावळचे आमदार सुनिल शेळके यांच्या आजी लक्ष्मीबाई बाजीराव शेळके यांचे बुधवारी (दि. 17 एप्रिल) रात्री वृद्धापकाळाने निधन झाले. काही दिवसांपूर्वीच त्यांनी वयाचे शतक ओलांडले होते. परंतू वृद्धापकाळाने त्यांची तब्येत खालावली होती. त्यांच्यावर उपचारही सुरु होते. मात्र, बुधवारी त्यांची प्राणज्योत मालवली. ( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअ‍ॅप चॅनेलवर )
कै. लक्ष्मीबाई शेळके यांची मुले अर्थात भिमाजीराव बाजीराव शेळके, शंकरराव बाजीराव शेळके, मधुकर बाजीराव शेळके हे होत. त्यात शंकरराव शेळके यांचे चिरंजीव म्हणजेच सुनिल शेळके हे सध्या मावळ तालुक्याचे विद्यमान आमदार आहेत. तळेगाव दाभाडे येथील शेळके घराण्याचे मावळ तालुक्यात मोठे प्रस्थ आहे. या घराण्याचा नावलौकिक होण्यात सर्वांच्या पाठीशी मायेने आणि खंबीरपणे उभ्या राहणाऱ्या लक्ष्मीबाई शेळके यांचा मोठा वाटा होता. त्यांना बुधवारी (दि. 18) देवाज्ञा झाली. ( Maval Taluka MLA Sunil Shelke Grandmother Lakshmibai Shelke Passed Away Talegaon Dabhade )
कै. लक्ष्मीबाई बाजीराव शेळके यांच्यावर आज, गुरुवारी (दि. 18 एप्रिल) तळेगाव दाभाडे येथील बनेश्वर स्मशानभूमी येथे अंत्यविधी होणार असल्याची माहिती त्यांच्या कुटुंबीयांनी दिली. लक्ष्मीबाई शेळके यांच्या निधनावर सर्वच स्तरातून शोक व्यक्त केला जात आहे.
अधिक वाचा –
– हिंदू धर्मियांसाठी महत्वाच्या असलेल्या सणांच्या दिवशी लोणावळा विभागातील मांस विक्री दुकाने बंद ठेवण्याची मागणी । Lonavala News
– ‘महायुतीच्या विरोधात काम करणाऱ्या कार्यकर्त्यांप्रमाणेच नेत्यांवर देखील कारवाई होईल’ – बाळा भेगडे । Maval Lok Sabha
– ‘समोर कोण उमेदवार माहिती नाही’, बारणेंच्या या विधानाचा वाघेरेंकडून खरपूस समाचार, ‘मतदार बारणेंच्या अहंकाराचा अंत करतील’
