Dainik Maval News : रविवारच्या सुट्टीचे औचित्य साधून आमदार सुनिल शेळके यांनी त्यांच्या ‘होम ग्राउंडवर’ अर्थात तळेगाव दाभाडे शहरा जोरदार प्रचार केला. मावळ विधानसभा मतदारसंघातील महायुतीचे उमेदवार सुनील शेळके यांच्या तळेगाव स्टेशन भागातील ‘रोड शो’ला अभूतपूर्व प्रतिसाद मिळाला. तरुण आणि महिलांची सहभाग लक्षणीय होता.
माळवाडी, रेव्हेन्यू कॉलनी, मनोहर नगर, नवी भाजी मंडई, भंडारा दर्शन कॉलनी, नाना भालेराव कॉलनी, शिवाजी महाराज चौक स्टेशन, इंद्रायणी कार्यालय, रेल्वे ग्राउंड, यशवंतनगर, राजगुरव कॉलनी, म्हाळस्करवाडी, साई रेसिडेन्सी, स्वराज नगरी, मामासाहेब खांडगे नगर या भागात शेळके यांनी रोड केला. कोणालाही न घाबरता जास्तीत जास्त मतदान करण्याचे आवाहन शेळके यांनी यावेळी केले.
मावळात सुनीलअण्णांची त्सुनामी
मावळ तालुक्यात सुनील शेळके यांची लाट नाही तर त्सुनामी आहे व त्यात सर्व विरोधक उध्वस्त झाल्याचे पाहायला मिळेल, गणेश खांडगे म्हणाले. राज्यात महायुतीचे सरकार पुन्हा येण्यासाठी भाजपच्या निष्ठावान मतदारांनी महायुतीचे पालन करीत शेळके यांनाच मतदान करण्याचा निर्णय घेतल्याचे संतोष दाभाडे यांनी जाहीर केले.
युवाशक्तीचा पाठिंबा, मातृशक्तीचा आशीर्वाद
मावळ तालुक्याच्या विकासाची गती खंडित होऊ नये, यासाठी आमदार शेळके यांनाच पुन्हा निवडून देण्याचे आवाहन सत्येंद्रराजे दाभाडे यांनी केले. मावळातील युवाशक्ती पाठिंबा आणि मातृशक्तीचा आशीर्वाद सुनील शेळके यांच्या पाठीशी ठामपणे उभी आहे, असे शैलजा काळोखे म्हणाल्या.
आमचे मत विकासाला-आमचे मत महायुतीला, कोण म्हणतं घासून येणार – सुनीलअण्णा ठासून येणार, बाजारात संत्री- सुनीलअण्णा मंत्री, वाटीत चिवडा- सुनीलअण्णांना निवडा अशा घोषणा, रस्त्यांवर रांगोळ्यांच्या पायघड्या, ढोल-ताशांचा दणदणाट, क्रेनच्या सहाय्याने मोठे पुष्पहार, औक्षणासाठी माता-भगिनींच्या रांगा, फुलांचा वर्षाव अशा वातावरणात तळेगाव स्टेशन भागातील मतदारांनी शेळके यांचे जंगी स्वागत केले. शेकडो युवक दुचाकीस्वारही शेळके यांच्या रोड-शोमध्ये सहभागी झाले होते. या अभूतपूर्व प्रतिसादामुळे मतदारसंघातील हवा पूर्णपणे फिरल्याचे पहायला मिळत होते.
( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअ‍ॅप चॅनेलवर )
अधिक वाचा –
– पोलिसांचा आगळा वेगळा ‘मावळ पॅटर्न’ : भयमुक्त निवडणुकीसाठी तालुक्यातून 101 गुन्हेगार हद्दपार
– शांत – सुरक्षित आणि समृद्ध मावळसाठी उमेदवार बापूसाहेब भेगडे यांचा ‘वचननामा’ प्रसिद्ध । Bapu Bhegade
– होम ग्राउंडवर सुनिल शेळके यांचे भव्यदिव्य स्वागत ! हजारोंच्या संख्येने तळेगावकर रस्त्यावर । MLA Sunil Shelke in Talegaon
