Dainik Maval News : गेल्या पाच वर्षात मावळ अगदी निस्तेज झाला आहे. एकाधिकारशाहीमुळे अनेक गोष्टींकडे अक्षम्य दुर्लक्ष झाले आहे. कोवळी मुले व्यसनाच्या आहारी गेली आहेत. महिलांवरील अत्याचार वाढले आहेत, बेरोजगारी, नद्यांचे प्रदूषण, वाहतूक कोंडी या गोष्टींमुळे मावळची पीछेहाट झाली आहे. मावळला पुन्हा पूर्वपदावर आणून मावळचा विकास साधायचा आहे. त्यामुळे मतदारांनो माझ्यावर विश्वास दाखवा, विश्वासाला तडा जाऊ देणार नाही, अशी भावनिक साद सर्वपक्षीय अपक्ष उमेदवार बापूसाहेब भेगडे यांनी मावळ वासियांना घातली आहे.
लोणावळ्यातील कुरवंडे, कुणे, वर्सोली, जेवरेवाडी करंडोली, देवघर, वाकसई, परंडवाल चौक, महालक्ष्मी मंदिर, मुख्य कमान; याबरोबरच देहू गावातील हनुमान मंदिर, शिवशक्ती मित्र मंडळ, शिरीष कुमार, श्री छत्रपती शिवाजी चौक, श्री छत्रपती संभाजी चौक, संत तुकाराम महाराज मंदिर, काळा मारुती मंदिर, बुद्ध विहार, भैरवनाथ चौक, चव्हाण नगर भाग 2, प्राथमिक आरोग्य केंद्र, देहू आळंदी रोड, निसर्ग भीमाशंकर सोसायटी आदी ठिकाणी प्रचार पदयात्रेचे आयोजन करण्यात आले होते.
बापूसाहेब भेगडे म्हणाले, की संपूर्ण मावळ तालुक्यातून अभूतपूर्व पाठिंबा मिळाला आहे. भेगडे यांनी मतदारांना आवाहन केले आहे, की आपल्या परिसरातील, गावातील समस्या सोडविण्यासाठी कधीही हाक मारा. तुमच्या समस्या सोडविण्याची मी ‘गॅरंटी’ देतो.
माझं व्हिजन क्लिअर आहे :
माझं व्हिजन अगदी क्लिअर आहे. मावळ समृद्ध, संपन्न सुरक्षित व्हावा. मावळला निसर्गाने खूप ताकद दिली आहे. मावळातील लेण्या, गड किल्ले, धरणे हे पर्यटकांच्या आकर्षनाचे केंद्रस्थान आहेत. मावळला जागतिक पर्यटन केंद्र बनवून, स्थानिक लोकांसाठी रोजगार आणि व्यवसायाच्या संधी निर्माण करणे हे ध्येय आहे.
मावळच्या वारकरी संप्रदायाचे महत्त्व :
मावळच्या वारकरी संप्रदायाचे महत्त्व आणि छत्रपती शिवाजी महाराजांचे वारसा जपणे हे माझे उद्दिष्ट आहे. श्रीक्षेत्र भंडारा डोंगर, संत पिठाच्या कॉरिडॉरच्या माध्यमातून पर्यटन व व्यवसायातील विकास साधता येईल. सरकारने ओरंगाबादमध्ये संतपीठ तयार केलं आहे, त्याचप्रमाणे मावळातही त्याची शाखा निर्माण करता येईल.
( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअ‍ॅप चॅनेलवर )
अधिक वाचा –
– पोलिसांचा आगळा वेगळा ‘मावळ पॅटर्न’ : भयमुक्त निवडणुकीसाठी तालुक्यातून 101 गुन्हेगार हद्दपार
– शांत – सुरक्षित आणि समृद्ध मावळसाठी उमेदवार बापूसाहेब भेगडे यांचा ‘वचननामा’ प्रसिद्ध । Bapu Bhegade
– होम ग्राउंडवर सुनिल शेळके यांचे भव्यदिव्य स्वागत ! हजारोंच्या संख्येने तळेगावकर रस्त्यावर । MLA Sunil Shelke in Talegaon
