Mega Block On Pune Lonavala Railway Route : पुणे ते लोणावळा रेल्वे प्रवास करणाऱ्या प्रवाशांसाठी महत्वाची अपडेट आहे. मध्य रेल्वेकडून पुणे विभागातील पुणे-लोणावळा मार्गावर रविवारी (दि. 9 जून) मेगाब्लॉक घेण्यात येणार आहे. पुणे-लोणावळा मार्गावरील कामशेत-तळेगाव दरम्यान किमी 154/0-1 येथे असलेल्या पुल क्रमांक 154/1 चे लोखंडी गर्डरच्या ठिकाणी एकूण 6 आरसीसी सेगमेंटल बॉक्स बसवण्याच्या कामासाठी रविवारी (दि. 9 जून) मेगा ब्लॉक घेण्यात येत आहे. ( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअॅप चॅनेलवर )
मेगाब्लॉकमुळे डेक्कन क्वीन एक्स्प्रेससह आणि पुणे-लोणावळा दरम्यानच्या सहा लोकल फेऱ्या रद्द करण्यात आल्या आहेत. तसेच पाच मेल एक्स्प्रेस गाड्यांचे नियमन करण्यात येणार आहे. पायाभूत सुविधांची देखभाल आणि सुरक्षिततेसाठी तसेच अभियांत्रिकी कार्यासाठी हा मेगा ब्लॉक घेण्यात येत आहे. त्यामुळे प्रवाशांनी रेल्वे प्रशासनाला सहकार्य करावे, असे आवाहन करण्यात आले आहे. ( Mega Block On Pune Lonavala Railway Route Deccan Queen along with local trains cancelled )
मेगाब्लॉकमुळे पुढील गाड्या रद्द :
– लोणावळा-पुणे लोकल गाडी क्रमांक 01561
– लोणावळा-शिवाजीनगर-गाडी क्रमांक 01563
– पुणे-लोणावळा गाडी क्रमांक 01566
– शिवाजी नगर-तळेगाव गाडी क्रमांक 01588
– तळेगाव-पुणे गाडी क्रमांक 01589
तसेच मुंबई-पुणे डेक्कन एक्स्प्रेस (ट्रेन क्रमांक 11007), पुणे-मुंबई डेक्कन एक्स्प्रेस (ट्रेन क्रमांक 11008), मुंबई-पुणे डेक्कन क्विन सुपरफास्ट एक्स्प्रेस (ट्रेन क्रमांक 12123) आणि पुणे-मुंबई डेक्कन क्विन सुपरफास्ट एक्स्प्रेस (ट्रेन क्रमांक 12124) या चार एक्स्प्रेस गाड्या रद्द करण्यात आल्या आहेत.
अधिक वाचा –
– सर्वसामान्यांच्या लेकरांना पत्रकारितेचे धडे देणारा महानायक गेला ! रामोजी फिल्म सिटीचे संस्थापक पद्मविभूषण रामोजी राव यांचे निधन
– कान्हे फाटा रेल्वे स्टेशनजवळील जुगार अड्ड्यावर पोलिसांचा छापा ! 7 जणांवर गुन्हा दाखल, हजारोंचा मुद्देमाल जप्त
– खासदारकीची हॅटट्रीक करून दिल्ली गाठताच मावळचे खासदार श्रीरंग बारणेंवर शिवसेना पक्षाकडून मोठी जबाबदारी !
