पुणे येथे 65 वी राज्य अजिंक्यपद कुस्ती स्पर्धा आणि महाराष्ट्र केसरी किताब कुस्ती अधिवेशन पार पडले. यात मावळ तालुक्यातील सडवली गाव येथील मल्ल पैलवान केतन नथू घारे याने 65 किलो वजनी गटात रौप्य पदक पटकावले. तसेच, उर्से येथील राष्ट्रीय पदक विजेता मल्ल पैलवान संकेत दामू ठाकुर याने 70 किलो वजनी गटात रौप्यपदक पटकावले.
दैनिक मावळचा व्हॉट्सअॅप ग्रुप जॉइन करण्यासाठी इथे क्लिक करा
दोन्ही पैलवानांनी उत्तम कामगिरी करत मावळ तालुक्याचे नाव राज्यपातळीवर गाजवले, त्याबद्दल मावळचे आमदार सुनिल शेळके यांनी दोन्ही पैलवानांची भेट घेऊन त्यांचे अभिनंदन केले आणि पाठीवर कौतुकाची थाप टाकली. ( MLA Sunil Shelke Congratulates Wrestlers From Maval Taluka Who Won Medal In Maharashtra Kesari Wrestling Tournament 2023 )
आंतरराष्ट्रीय स्तरावर उत्कृष्ट कामगिरी करायची असेल तर आंतरराष्ट्रीय प्रशिक्षकांसह आधुनिक साधन-सुविधा उपलब्ध झाल्या पाहिजेत, असे मत यावेळी पैलवानांनी आमदार शेळकेंसोबत संवाद साधताना व्यक्त केले. त्यावेळी, ‘उदयोन्मुख खेळाडुंना प्रोत्साहित करण्याबरोबरच आवश्यक सहकार्य देण्याचा माझा नेहमीच मनोदय आहे. तालुक्यात क्रीडा क्षेत्रासाठी ज्या सुविधांची गरज आहे, त्या देण्याचा नक्कीच प्रयत्न करील,’ असा विश्वास शेळकेंनी व्यक्त केला.
अधिक वाचा –
– बालाजी तांबे फाउंडेशनतर्फे कार्ला येथील शाळेला अद्ययावत संगणक कक्ष भेट, आमदार शेळकेंच्या हस्ते उद्घाटन, पाणपोईचेही भुमीपूजन
– स्तुत्य उपक्रम! कल्याणी टेक्नोफोर्ज कंपनीकडून देहू गावातील जिल्हा परिषद शाळेला 7 लाख रुपयांचे शैक्षणिक साहित्य भेट
